Ka long ka kyntien, kaba sngew shyrkhei sat, haba kat u myntri kam poh iing ka sorkar India, un kren ha ki rynsan paidbah ban kynnoh ba kane ka sorkar NPP, ka dei ka sorkar kaba bamsap tam ha ka Ri India hi baroh kawei.
Ym tang katta, u kynnoh ruh, ba ka tnat MeECL, ka la jan khyllem, namar ba ka la kitram haduh niuhmat bad ba kane ka jylla, ka don ha ka jingkyrduh pisa kaba jur, ha kaba ka jylla, ka duna pisa haduh T.1,800klur tam.
Ka seng BJP, ka la pynbna iar ruh, ba kan thung ia ka jing tohkit, da u nongbishar ba la shongthait jong ka Supreme Court, halor ka kam bamsap jong ka sorkar NPP.
Kitei ki jingkynnoh, ki la dei namarkata ia ka CBI lane ka ED, ba kin sdang noh ia la ki jong ki kam jongki, lada dei ha ki jylla ba synshar ki bym dei BJP, kum ha Delhi, West Bengal lane ha kiwei pat ki jylla. Kaba pynkyndit pat, ka long, ba mynta, tang ar taiew ruh, ym pat dap bha, la iohi, ba katei ka seng, ka la kylla pyrdet ia ka jingkren jongka, da kaba ka leit ban iatreilang bad ka sorkar, kaba bamsap tam hapoh India bad ba ka la sngap jar, halor ka jingphah tohkit ha u nongbishar ba la shongthait jong ka Supreme Court, ia ki kam tuh kam thiem jong ka sorkar ba ladep, ba la khlieh hi, da u Conrad Sangma.
Lada ka long kumne, ka pyni, ba kat ka seng, kaba synshar ia ka India, ka shu kynnoh beain bad bym shongnia, ia ki seng rit bad ki nongialam jong kine ki jylla rit bad katei ka dei ka jinglehrain kaba khraw, ba ka shyntur jong ki khlieh duh na Delhi, kin shu pyllait jynhaw khlem ki sakhi.
Kine ki jingkren laplah, ki la pynduh jingshaniah ia ka seng BJP, ha kaba kat ka jingwan hiar U Narendra Modi bad U Amit Shah, sha Shillong bad Tura; ha shwa ka sngi thep vote, hynrei katei ka jingwan, ka shu long kamkai bad kam pynmih soh eiei ruh em, hynrei, la iohi pynban, kumba ka nang pynbitar ia u paidlang ka jylla, khamtam sha Garo hills (kaba dei ka jaka, ba la theh da ka dud bad ngap, da U Conrad Sangma) bad ba ki Garo, ki sa ia kyrshan dohiap dohksew, ban ai bun ki nongjop sha ka NPP.
Ka BJP, ka dei ka seng kaba heh tam ha India bad kumta, ki nongialam jongka, ki dei ban tyngkan ia ki kyntien thadrong ia ki nongialam jong ki jylla ne ki seng sain pyrthei, namar ba kitei kim pynmih vote satia, hynrei, ki kylla long pynban ka daw, ba ki paidbah, kin nang ijli ia katei ka seng.
This is double standards of the BJP. If BJP is serious about the corruption of the MDA 1.0, they should have form government the other regional parties minus NPP. Then they can ask the ED & CBI to initiate proceedings. But sadly it is just the opposite. Connivance with the corrupted party is what the BJP wants and NPP sidelined with BJP so that they will be in the comfort zone.