Ka elekshon MLA, ka la kut bad u paidlang ka jylla, ula dep ai ia ka rai ka jongu bad katei ka rai, ka long ba ka NPP, ka jop 26ngut ki MLA, ha kaba ka NPP, ka jop 18ngut na Garo hills, tang 4ngut na Jaintia hills, 2ngut na Ribhoi, 2ngut na East Khasi hills.
Katei ka jingkhein, ka la paw shai mynta, ba ka NPP, ka dei ka party Garo bad ba ki Garo, ki kyrshan tylli, ia katei ka parti, ha kane ka kynti bad kumta, katei ka dei ban don ka daw bad ki seng bhalang, ki seng sain pyrthei, ki kotkhubor bad wat ki riew paidbah, ki dei ban tih jylliew ia kane ka mat, ba ioh ka don kano kano ka ishu, kaba kham jngai, kaba la pyndonkam da katei ka seng, ha kane ka elekshon ha Garo hills, nalor ki kam theh skhim buk buk sha ka thain.
Kam dei tang katta, hynrei ki jingshisha hi ki kdew, ba ka NPP, ka dei ka seng, kaba la shah kyntait ha West Khasi Hills bad ha East West Khasi hills bad wat ha East Khasi hills, ym don ba pdiang satia ia katei ka seng, namar ba ka jop tang 2ngut ki MLA.
Ha kawei pat ka liang, la iohi, ba ki seng trai ri, ba kynthup ia ka UDP, ki ioh 11ngut ki MLA, ka VPP ka ioh 4ngut, ka HSPDP bad ka PDF, ki ioh mar 2ngut bad katei ka jingkhein, kam pat biang ia ki seng trai ri, ba kin don sha ka liang synshar lane sha ka sorkar jong ki seng trai ri bad haba ka long kumta, ka kdew shai, ba ka jingkwah ia ka sorkar seng trai ri, lane ia u myntri rangbah Khasi, ka dei tang ka jingmutdur ne ka jingkwah bym hok jong ki seng bhalang, katba ki nongjied, kim shym la iohi jngai satia ia katei ka mat bad ka tynrai jong katei ka jingbym iohi jngai, ka shong ha ngi iwei pa iwei, ba ngin ia tba ia la ka jong ka lyngkdop, ba kumno ngi la pyniaid ia la ka jong ka vote, ha sngi 27tarik Rymphang 2023.
Ia mynta hi, ka la paw shai kdar, ba ngim lah shuh satia, ban khang ia U Conrad Sangma, ba un bam smai kum u myntri rangbah, ha ka sien kaba ar ha ka 7tarik Lber 2023; hynrei ha kajuh ka por, U Conrad, um nud ban pynthikna ialade, ba ka sorkar jongu, kan long kaba skhem, tang ha ka jingkhein kaba 31, 32 ngut ki MLA, namar ba ha ka jingshong dorbar kaba bun taiew, kin don shibun ki ain, kiba dei ban pynlong ain, hynrei tang shu la pep dorbar uwei, arngut; kumta ki ain sorkar, kin sa shu pulom kai noh.
Ka jingpynkut, ka long, ba lyngba kane ka jingjia ha ka elekshon 2023, ka la dei ia ki seng trai ri, ba kin klet noh ia ka jingiapher seng jongki, hynrei, ba kin thaw ia ka kynhun iatreilang synrop bad pynkhreh ia ar tylli ki elekshon, ki ban sa wan shen, ha u 2024 bad lada ki iabeit ia kawei ka jingmut, kumta kin rah suk ia ka thong jong ka MP bad ka MDC 2024.
ka la dei ka por ban don noh tang kawei ka parti ba khlaiñ na trep u 7trep ba ngi ïoh CM da u khasi.
ïa kiwei kiwei ki parti ba lah nang hiar bad ki ba sah hajuh (stagnant),ki paidbah ki dei bin kyntait noh,
1.namar ba kine ki long tang kinong pynpra vote,
2.lada ki jop ruh, ki pynsniew ïaka imlang sahlang da kaba ki pyn long (unstable) synjor ïaka sorkar daka jing khwan myntoi shimet jongki.
peit noh ïa ka parti ka bakhuid, ka bym pat don dak ei ei, ka bym salia ban shong opposition naka bynta u 7trep, kaba ïakhun bad pyrshang ban ïatylli tang para 7trep bad kaba dang sdang kiew kaba ki paidkhawi ba_ïar ki sdang ban pdiang,
… Nga lah bin ong hangnei, kum ka VPP,ym dei ba nga ïashah party, hynrei baroh ngi lah ïohi shai ïaka nongrim baka ïeng.
100% ka dej
Nga ruh nga sngewmynjur ia kane katba ka por ka dang don to ngin kylla ba mut… Nyngkong ngi ki kmie ki kpa khnang ba ki khun jong ngi kin num long ki nongtong um bad nongsait tiar ia kiwei…
Lada iatylli shisha tang kawei ki party riewlum baroh kyrmen ka jylla kan sa long da kumwei pat hynrei kumba ka long mynta iakawang ktieh te kumno Kein yn nud ban iasoh lang ban peit ruh ym sngewnud shuh ban shong lang lei te kumno ngin ong …….. ha ka khatduh duhlut .
Khublei shibun.