Saphriang ka jingthoh ba kwah buh ïa ka NPP, ha ka liang pyrshah

Shillong:Ka khubor ka la saphriang ha ki lad khubor paidbah ne social media ba ka la don kawei ka shithi kaba la sam kylleng hapoh kane ka lad khubor paidbah kaba kyntu ïa ki MLA jong ka UDP, Congress, AITMC, HSPDP, VPP, PDF bad ki MLA shimet kaba la kyrpad ba kine ki seng saiñ pyrthei kidei ban thaw ïa ka sorkar khlem ka NPP & BJP.

Ka shithi ka ong, “Ngi ki paidbah ka bri u KHASI BAÏAR ngi kyrpad rit ïaphi ban ïatreilang baroh ban lait na ki tyrsim high level bad nongshun ki rit paid, pyrkhat lem ïa ngi ki ba jied ïaphi, ngi jied ïaphi ba ngi isih NPP, BJP.”

Shuh shuh kane ka shithi ne jingthoh ka la bynrap ruh da kaba ong, “Ïatrei para Seng barit ai ka UDP kan sei Chief minister, VPP Home minister, PDF sport, Congress Education, TMC Urban affairs, HSPDP PWD bad ki indipendent ai PHE bad Power mar kawei, ngi shu ai nuksa ki portfolio, hynrei pynbeit maphi. Ngi kloi ban kyrshan ïa kane ka kynhun jongphi.”
Kane ka jingthoh ne shithi kaba la thoh ne wan na ki khun ka bri U PAID KHASI BAÏAR, ka kyrpad ruh ba dei ban phah sha ki kynhun haduh ban poi sha ki MLA ka UDP, Congress, AITMC, HSPDP, VPP, PDF bad Independent, jong kine kiba jop, ka kyrpad ba kin leh khnang ban im ka jaitbynriew.