Shillong:Ka National Peoples Party (NPP) ha ka jingialam jong u Conrad kongkal Sangma, ka lah ban wanphai biang ban ialam ia ka sorkar jylla, hadien ka jingioh jingkyrshan na ki ar ngut ki MLA ka BJP, ar ngut ki MLA ka HSPDP bad ar ngut ki MLA shimet.
Kine ki MLA na ka HSPDP ba kynthup ia u bah Shakliar Warjri MLA ka Mawthadraishan constituency bad u bah Methodius Dkhar MLA ka Mawshynrut constituency, ha ryngkat bad u Remington G Momin u MLA shimet na Rambrai-jyrngam constituency, ki la phah ia ka shithi ban ai jingkyrshan sha u Conrad Sangma, nongialam jong ka NPP ha ka janmiet jong ka sngi-thohdieng.
Ka jing wan ai jingkyrshan jong kine ki MLA ka la pynlong ia ka parti NPP ha ka jingialam jong u Conrad Sangma ban ioh haduh 32 ngut ki MLA ba ai ka jingkyrshan, kaba la long ruh ka number ba skhem bad ba paka bha ban thaw sorkar.
Shwa kane, u Conrad Kongkal Sangma u la leit ban kynduh ia u lat jong ka jylla Meghalaya, u Phagu Chauhan ha Raj bhavan ban iehnoh ia ka kam kum u Myntri Rangbah jong ka sorkar ba ha shwa bad ban kam ruh ban thaw noh ia ka sorkar ba thymmai ha ka jingialam jong ka NPP.
Ha katei ka por ka NPP ka la ioh tang kumba 29 ngut ki MLA, hynrei hadien ka jingkyrshan jong ki arngut ki MLA ka HSPDP bad u wei u MLA shimet ka NPP ha ka jingialam jong u Conrad Kongkal Sangma kum u Myntri Rangbah u ban sa bam smai ha ka 7tarik lber 2023, na ka bynta ban bteng ia ka kam kum u Myntri Rangbah jong ka jylla ha ka sien kaba ar bad ka kynhun myntri ruh kin bam smai lang ha katei ka sngi.
La ioh khubor ba u Myntri Rangbah jong ka ri, u Narendra Modi bad u Home Minister u Amit Shah, ki lah ban ia don lang ha ka jing pyntian smai ia u myntri rangbah ba thymmai jong bad ka kynhun myntri bathymmai jong ka jylla Meghalaya.
La shet kiba jop ha kyrteng ma Hoping
Sep ei ban pynjop kum ia kine ki nongshet kylla.
Ka BJP kan trei ïa la ki kam buit sian jong ka lyngba ka sorkar ba ka ïatreilang.To,ngin ïa kyrmen ba tang U Blei hi uban pynlait ïa ngi na ki jingma la ha ka liang ka niam ne ha ka jinglong ‘ritpaid jong ngi.