Shillong:Ka la mih ka jingkulmar, mynhynnin ka sngi ha Sohra, hadien ka jingshah rem jong ka kyrtong ka NPP na Shella ka Kong Grace Mary Kharpuri ha u kyrtong UDP Balajied Kupar Synrem.
La iathuh ba ki nongkyrshan ka kong Grace, ki la lun maw ia ka ophis SDO Civil Sub Division bad ka iingbishar ba thymmai. Ym tang katta, la iathuh ba ki la wiang ding ruh ia ka khlaw, kaba don hajan katei ka ophis, mynta ka janmiet.
Ki nongkyrshan ki la sdang kawang maw ia ki pulit bad CRPF bad ia ki nongtrei, kiba don hapoh ophis. Ki pulit bad ki CRP, ki la hap ban kynshait um bad siat lyer pynsatkhmat, ban pynpra ia kitei ki briew, kiba tawiar ia ka ophis jong U SDO Civil Sub Division, ong ka khubor.
Kiwei ki lad khubor, ki iathuh, ba ka don ka jingkulmar ha Mairang ruh, mynta ka miet, hadien ba ki nong kyrshan jong ka seng Congress, ki dawa, ba dei ban niew biang ia ki vote. Ha ka jingialeh, U Bah Metbah Lyngdoh, kyrtong jong ka seng UDP, ula jop, ia U bah Batskhem Ryntathiang, da 155 vote.
Ka jingklumar ha Sohra CIVIL SUB DIVISION Ka dei naki daw ki jing bymshai haki rukom jingpynbna iaki jingioh vote jong ki kyrtong nongjop jong ka 26 shella.