Katba dang pynsum ksew, ïap jyllop, ki 2 ngut shipara

Tura:Ha ka jingjia ba sngewsih, arngut ki shipara kynthei kiba dang samla kila ïap jyllop shabar ka sor Tura.

Kine ki arngut ki samla kynthei ki dei kiba dang 17 snem bad 19 snem, kiba dei na ka shnong Rong khon Songgital jong ka Dakopgre, Tura bad kane ka la jia ha ka sngi Nyngkong.

Kine baroh arngut ki ïa leitkai sha wah Sela Wari ban pynsum ïa u ksew. La ong ba katba u ksew u dang don ha wah, ula shah rong ha ka um bad da ka jingpyrshang ban ïarap ïa la u ksew khlem da pyrkhat ba u ksew u dei uba nang ban jngi, kawei na kine ki samla ka la kynthih ha wah bad ka para kaba mut ïarap ka la shah patan lang bad ïa ïap jyllop lang.Kine ki samla kiba ïap ki kyrteng ka Akanchi A Sangma (kaba heh) bad ka Sania A Sangma (kaba rit).