Thep vote: Bun tam ha Mowkaiaw, duna tam ha South Shillong

Shillong:Ka jingpoi ki nongthep vote ha Mowkaiaw Constituency, ka poi sha ka 92.73 percent bad katei ka dei ka jingkhein kaba bun tam jong ki nongthep vote ha baroh ki 59 tylli ki Constituency.

Ka jingthep vote, ka duna tam ha South Shillong, ha kaba ka wan tang 62.10 percent kiba wan thep vote.
Ka jingdon ki nongthep vote ha baroh kawei ka jylla, ki shynrang, ki long 1059109 ngut, ki kynthei ki long 1081342 ngut. Baroh ki nongthep vote, ki don 2140453.

Ka jingwan ki nongthep vote, ha baroh kawei ka jylla; ki shynrang, ki long 882330, katba ki kynthei ki long 942416 ngut. Baroh ki nongthep vote, ki poi sha ka 1824748 lane kaba long 85.25 percent.