Shillong:Ki Exit Poll ki la iathuh lypa, ba ka BJP, kan wan biang ha ka jingsynshar ha Tripura, katba ka kynhun jong ka BJP bad ka NDPP, kan iai bteng ban synshar ha Nagaland, hynrei ha Meghalaya, la pyni, ba yn nym don mano mano ban ioh thaw sorkar marwei, wat la ka NPP, kan lah ban dei ka seng, kaba ioh bun eh ki MLA.
Ha Tripura, ka India Today Axis my India, ka ai jingkhein, ba ka BJP, kan ioh hapdeng ka 36 haduh 45 ngut ki MLA, katba ka Congress kan ioh 0 bad ki Left kin ioh 6 haduh 11 ngut. Ka Jan ki Baat, ka ai jingkhein, ba ka BJP, kan ioh hapdeng ka 29 haduh 40 ngut, katba Congress 0 bad ki Left 9 haduh 16ngut. Ka Times Now ETG Research, ai jingkhein hapdeng ka 21 haduh 27ngut ia ka BJP bad 18 haduh 24 ia ki Left. Ka Zee News Matrize, ka buh jingkhein 29 haduh 36 ngut ia ki BJP bad 13 haduh 21 ia ki Left.
Ha Meghalaya, ka India Today Maxis my India, ka pyni, ba ka BJP, kan ioh 4 haduh 8ngut, ka Congress 6 haduh 12 ngut, katba ka NPP 18 haduh 24ngut. Ka Jan ki Baat, ka ai jingkhein 3 haduh 7 ia ka BJP, 6 haduh 11 ngut ia ka Congress bad 11 haduh 16 ngut ia ka NPP. Ka Times Now ETG Research ka ai 3 haduh 6 ia ka BJP, 2 haduh 5 ia ka Congress bad 18 haduh 26ngut ia ka NPP. Ka Zee News Matrize, ka ai 6 haduh 11 ia ka BJP, 3 haduh 6 ia ka Congress bad 21 haduh 26ngut ia ka NPP, 8 haduh 13 ia ka TMC bad 10 haduh 19ngut ia kiwei pat.
Ha Nagaland, Ka India Today Axis My India, ka ai jingkhein ia 38 haduh 48 ia ka BJP-NDPP, ka Congress 1 haduh 2 bad ka NPF 3 haduh 8. Ka Jan ki Baat, ka ai jingkhein da 35 haduh 45 ia ka BJP-NDPP, ka Congress 0 bad ka NPF 6 haduh 10ngut. Ka Times Now ETG Research, ka ai jingkhein da 39 haduh 49 ia ka BJP-NDPP, Congress 0, NPF 4 haduh 8ngut. Ka Nee News Matrize, ka ai jingkhein ia 35 haduh 43ngut ia ka BJP-NDPP, 1-3 ia ka Congress bad ka 3-5 ia ka NPF.
Welcome again npp leh iakaba dnkam iaki nongbiej poisa
Ka Jing biet ka jaitbynriew khasi jongngi ymshem shuh lanolano ruh,Hana ba ka RI KHASI ka don ha jingma,o ki ia comments,ki da ong to ia dwai Lem ba u bah Adilbert,bad bah Arden kin jop,balei ngim dwai ha la ki Jong ki Jong ki constituency,ban pynjop ia ki nongialam ba stad,haba peit iakane ka Exit poll sngew leh rain man ,hato ngimlehrain kat ia ka RI KHASI yn shaniah Tang ha ki arngut,nangne shakhmat to ngin kynmaw ba ngim donkam ban babe bad ban pynmih ki jingiakhih,next election ruh shu bein para mangi por kanbas,sngi thep vote pat shim ka Pisa bad pynjop party garo beit
Namar baroh ki shetkylla stang maki hi. bym biej bor