Yn ym shah ban pyndonkam ïa ki phone, ha jaka thep vote

Shillong:U Chief Electoral Officer jong ka jylla Meghalaya u la pynmih ïa ka jingpynbna paidbah ba ka la khang ban rah mobile phone hapoh jaka thep vote ha ka 27/2/2023 kane ka long ïa baroh ki nongthep vote.

Ban shah ban rah mobile phone kan long tang ïa ki nong peit pyrman, CEO, DEO, RO, ki nongpeit pyrman ha poh ka jaka bad ïa ki nongthoh khubor kiba la ïoh ïa ka jingbit, kane ka jing khang ban rah ïa ka mobile phone ka long ban khanglad ïoh don ki ban pyndonkam bakla ïa ka tiar ne mobile.

Ïa ki nongthoh khubor bad ïa kiba la shah ban rah mobile la bthah ban buh ïa ka mobile phone silence mode, la khang ban shondur ne kano kano ka jingring dur hapoh jaka thep vote, ïa kane ka hukum la pynmih namar ka don ka jingtip ba ïoh ki nongthep vote ki lah ban pyndonkam bakla ïa ka mobile jong ki.