Shillong:U National General Secretary jong ka All Indian Trinamool Congress (AITC) u Abhishek Banerjee, u la kam ba tang hadien lai bnai ba ka parti TMC kan thaw ia ka sorkar ha jylla Meghalaya, kin pyntreikam noh pura ia ki 10 tylli ki kular ba ki la dep khlei sha ki paidbah jong ka jylla.
U Abhishek Ba nerjee, ha ka jingleit kanbas elekshon ka jong u ia u kyrtong jong ka parti TMC na 51- South Tura con stituency, kaba dei ruh ka constituency ba la mihkhmat da u Myntri Rangbah ka jylla u Conrad Sangma, u la iathuh sha ki paidbah, ba ka parti TMC ka la dep kular ban pyntreikam ia ka MYE Card bad ka WE card, ha kaba ki samla ba khlem kam kin ioh ia ka pisa 1000 tyngka ha ki bank account ki jong ki, lada ka TMC kan wan ha ka bor. Kumjuh ruh ka WE Card skhim, ha ka jingialang ba nyngkong duh jong ka kynhun myntri yn sa shim rai ban pyntreikam noh ia ka WE Card, ka ban ai jingmyntoi ia ki longkmie 1000 tyngka shibnai bad 12000 shisnem, u la ong.
“Haba iaid ha ki bynta jong kane ka constituency,nga iohi ba kita ki street light ki dum tliw bad kim ai jingshai satia, ha kaba ki don ki jaka kiba kim don ruh” ha kaba u la buh jingkylli ruh, kumno ha constituency u myntri rangbah ym don tang ki street light ki ban ai jingshai, kumno un lah ban wanrah ia ka roi ka par ha ka jylla? la kylli u Abhishek Banerjee.
Ha kane ka jingialang ialap elekshon ia u kyrtong jong ka parti na SouthTura constituency, u Richard Marak,la wan don ryngkat lang da u Dr Mukul Sangma nongialam jong ka TMC nongialam barim jong ka liang pyrshah, Dr Manas Ranjan Bunnia incharge TMC,Rupert M Sangma kyrtong TMC na North Tura, bad u kyrtong ka TMC na Chokpot constituency u Lazarus M Sangma.
Phi don ban ong eiei?