30 ngut kiba dang pan permishon na ka MUDA ban shna iing

Shillong 3 Nailur: Ki don 30 ngut ki briew kiba hap ha ka Census Town
(CT) ne ki jaka ba  hap shabar ka Municipal ki dang pan permishon ban
shna iing na ka Meghalaya Urban Development Authority (MUDA) naduh ba
la pynmih ia ka jingpynbna ba thymmai.
Katkum ka jingiakren bad u Secretary ka MUDA u Bah E
Kharmalki kine ki briew kiba dei kiba dang pan ia ka permishon mynta u
bnai Nailar.
“ Kine ki 30 ngut ki dei kiba dang buh ia ka jingthoh jong ki
naduh ka 24 tarik Nailar haduh ka 2 tarik Nailur mynta u snem”, la ong
u Secretary ka MUDA.
Nalor kine, ki don 134 ngut kiba la dep ioh ia ka permishon na ka
MUDA hapoh kine ki bnai ba la dep.
Napdeng kine ki don lai ngut ki bym kwah ban pan permishon na ka
MUDA bad ki la weng noh ia ki shithi pan permishon. Katba ki don lai
ngut kiba ka iing jongka, ka dang don ha ka jinpgyntrei.
Katkum ka jingiathuh u Secretary ka MUDA, ka jingshim ne khein dor
ia ka jingtei iing la khein na ka dor ba la buh da ka tnad PWD lyngba
kata ka Scheduled of Rate (SoR).
“Ka dor kaba ka MUDA ka shim ban shna iing ka long na ka bynta ka
jingheh ka jaka kaba 500 sq ft ka dor ka long . 50 paisa na ka bynta
ki iing hyndai ne Assam type”, la ong u Secretary.
Ia kito kiba shna iing kaba duna ia ka jingheh 75 sq ft, ka MUDA kan
nym shim dor eiei hynrei kaba donkam ka long ban shu pyntip sha ka.