Ka elekshon MLA, ka la nang hajan bad ha kane ka sien kaba mynta, ka don ka jingkham pher, ka rukom mih ki kyrtong, namar ba u briew, uba long MP ruh, u kwah ban iakhun sa ia ka shuki MLA lane u briew, uba la jop, ha ki 36 tylli ki Constituency, u kwah ban jop, sa tang ha kawei ka Constituency bad katei ka dei ia U Ma Vincent Pala, uba iakhun mynta na Sutnga Saipung.
Ngim tip shai ia ka daw, ba balei U Ma Vincent, ula rai ban iehnoh shiteng por, ia katei ka kam, kaba la bynshet ha u da u paidlang ka Ri Khasi Jaintia bad kaba dei ban kut por, haduh la shem snem bad katei ka lah ban dei, ba ula pheil ia la ka jong ka kamram lane lehse, ki don da kiwei pat ki daw; hynrei hangne, kan mih ka elekshon shiteng samoi, ha ki khyndiat bnai ban sa wan, lada jia ba u jop u Ma Vincent bad hangne, kan pynmih ia ka jinglut pisa kaba jur bad ka jing bunkam ki nongjied na ki 36 tylli ki Constituency, na ka daw jong uwei u briew.
Kam dei tang kata, hynrei, ha kine ki sngi, ka don ka jingshong dorbar jong ka Parliament bad U Ma Vincent, kum u kyrtong MLA, um shym la lah shuh satia, ban pynlut por ialade, ha kaba leit shim bynta ha katei ka dorbar, namar ba u hap ban pynkhreh ia ka elekshon sha ka dorbar jylla.
Ngim tip, ia kaei ka jingmut, kaba don ha ki nongialam jong ka AICC, ba ki ailad ia utei u rangbah, ba un kynthih na ka kam MP, sha ka kam MLA bad lada ka long ha kane ka rukom, ka pyni shai, ba kam dei shuh, ka kam shakri, hynrei ka dei ka kam shim kabu bad thap myntoi ialade.
Hynrei, ka jingshisha, ka long ba ka Congress, ka la duh jait ha Meghalaya bad dei na kata ka daw, ba ka don ka jing ia shim kabu, da ki nongialam shnong bad ki nongialam thain bad kane ka dei ban long, ka jingsneng ia katei ka seng, kaba la shim kabu ban pynjot ia ki seng trai ri, ha ka jylla, ha ka por, ba ka dang khie rasong.
Ki nongialam jong katei ka seng, kim shym la pyrkhat ia ka lashai jongka, hynrei ki la shim kabu bad pyrkhat tang ialade shimet bad ki la ai tiket, ia ki heh spah bad ki nongkhaii, ba kin ialeh MLA bad MP bad ka dei, na katei ka daw, ba ka mih ka jingjot thiaw ia kane ka seng, kaba la synshar da ki bun bun phew snem, ha ka jylla Meghalaya.
Nga support ia i bah Vincent Pala bad congress party
Phi lah shu kren phi Rupang. U leh kmno2 ruh ka mon jong u kein waaa. Te u Conrad Sangma pat balei phim kynthoh kyllum hana tang ia Bah Pla? Haba iohi ka synshar khadar ha ka State ka lah huri hura te hap wan em shakhmat. Sngew isih Congress man kmno kmta Rupang.