Kurup ki pulit T. 28.83 lak bad ka kyiad

Shillong:Ka tnat pulit ryngkat ka jing ïatreilang bad ki shipai BSF ha kine ki 48 kynta kila ïoh ban kurup T.28.83 lak tyngka, ka kiad 2203 litar kane ka jing kurup ka long na kylleng ka jylla.

Ki pulit kila ïoh ruh ban kurup 11 gm u drok heroin, na ka liang ki pulit bad ki BSF kila ïa treilang ban ïa khun pyrshah ïa ki kam sniew khamtam ïa kine ki kam khaïi beaiñ ïa ki jingdih ba sniew, kham tam ïa u drok ba ki pulit kila kit jingmut ban rat ïa kane ka jingsniew na ka jylla.

Na ka liang jong ki pulit kila trei shitom ban ïaleh ban khanglad ïa ki jingsniew khamtam ka jingdih drok bad na ka liang jong ki pulit ki kwah ban pynthikna ba kane ka ilekshon sha ka ïing Dorbar Thawaiñ ka jylla kan long kaba ïaid beit ïaid ryntih.