Ka shuki plastik kaba T.300, kumno ka poi sha ka T.600, ong ka MYM

Shillong:Ka Mawshynrut Youth Movement (MYM), ka la wad da ka RTI, halor ka jing trei kam jong ki MLA bad kumta ka kyntu ia u ban sa long u nongmihkhmat (MLA) ba kin nym pynlong Family business ia ka skhim u paidbah.

Lyngba ka RTI, ka Seng ka la pynbna paidbah ia ki skhim ba la bhah sha u paidbah lyngba u MLA, da ki skhim SR WP, CMSRDF, hapoh u snem 2018 haduh 2022. U nongialam ka Seng u bah Shem Rynniaw u la iathuh ba ka RTI, ka pyni ia ka jingtreikam u MLA ka la long pynban kum ka Family business.
Ka fund jong ki snem – 2018-19 ka long T.2.0000000 ar crore ka jing pynlut ka long T.1,61,46,766, 2019-20 ka long T.2,0000000 crore, jing pynlut ka long T.1,99,6500, 2020-21 ka long 2,50,00000 ar crore sanphew lak, katba ka jing pynlut ka long T.2,2500000. 2021-22 ka long 2.50 ar crore sanphew lak.
Halor katei ka jing bym lap katkum ka RTI, 2018-2021 ka long haduh T.63,88,234, Hynriew phew lai lak phra phew phra hajar ar spah laiphew saw.

Ka Seng ka kyntu ia u ne ka MLA ki ban sa wan ba kin nym pynlong family business ia ka skhim u paidbah, kumba la lap, ba la thied CGI sheet ne tin sop iing haduh T.3,43,98000, lai crore saw phew lai lak khyndai phew phra hajar, ha kyrteng u ba ha iing jong u MLA. Ka Seng ka ai jingmut ba ia ki skhim ba shu soi ia ki utilisation Certificate tang da u MLA, organization khlem kyrteng ne muhor bad shu soi da u BDO, khlem ka jingtip ka shnong kim long kiba pynhun ia u paidbah ne ia ki shnong kumta la idei ban nym iaid lait na ka shnong. Ka Seng ka pynpaw ka jing bymhun halor ka pynlut pynsep ha ka por lynshop u COVID-19 kaba long haduh 50 lak, katba sha u paidbah babun ba shong quarantine ha ki shnong bapher bapher, ki bun kiba shu thied hi da kiba ha iing.

Ka jingthied ia ki 1500 Tylli ki shuki plastic ha ka dor T.600 kawei ka long ka bym sngew ia hap shuh, katba ha ka dor iew ka long tang T.300 kawei.
Ka Seng ka kyntu ia u ne ka MLA ba kin iai trei shitom bad ban long u ne ka MLA jong u paidbah ka constituency, ym ban long tang na bynta ka party ne tang na bynta kita kiba don ha ka list, namar ha ka list hi kan don palat 40hajar ki nong thep vote bad ki nongshong shnong la don palat Shilak, hynrei ki ba pynjop ia ki pat tang 9 ne 10 hajar ki nong thep vote, ka list ka long pynban tang ka jing pyntieng, ka jing iuhroit bad pyn artatien ia ki briew jong ki hi.

Ka Seng halor ka RTI jong ka MDC skhim 2019-2021 lyngba U bah Sebasius, ka kylli ba halor ka jingthied ia ki solar light naduh u snem 2019-20 ha ka dor 2600000 (ar phew hynriew lakh) khlem da iohi tang kawei ka solar light hapoh constituency, ka long ka jingbymlah ban mynjur, ka jing Sam skhim MDC tang ha ki katto katne Tylli ki shnong da ki phew phew lak kawei kawei ka shnong ka long ka jing bym ryntih khlem da pyrkhat shuh ia kiwei pat ki shnong kiba don hapoh ka constituency.