Pyrshah ka MNF, ia ka rai ka sorkar pdeng, ban pyntreikam ia ka Uniform civil code

Aizawl:Ka seng saiñ pyrthei ha jylla Mizoram bad ha kajuh ka por kaba la ialam ruh ia ka sorkar jylla ha katei ka jylla ha ka jingialang jong ki nongthawaiñ ki jong ka ha ka sngi nyng kong ka 30 tarik kylla lyngkot 2023, ki khlem ai jingmynjur satia ia ka aiñ Uniform Civil Code ba la mynjur pyntreikam da ka sorkar pdeng ha ka ri baroh kawei, la iathuh u nongialam ka MNF.

Ka jingialang jong ki nongthawaiñ na ka parti MNF, ha ka jing pyniaid jong u Myntri Rangbah ka jylla Mizoram u Zoram thanga, ki la mynjur ban shim da kawei ka rai ka ban dei ruh ka resolution ka ban pynpaw ia ka jing pyrshah ia ka UCC ha ka dorbar tyngka ban sa long shen, ka ban sdang ha ka 7 tarik rymphang 2023,la ong u Zoramthanga.

Kane ka jingialang, ka la jied ruh ia u Nongthawaiñ na Lawngtlai East assembly constituency, u H.Biakzauva kum u ba hakhmat duh ban shimti ia ka shuki kum u symbud lamphang jong ka ïingdorbar thawaiñ jong ka jylla Mizoram.
Ha kaba ia ka elekshon na bynta ka shuki Deputy speaker, yn pynlong ha ka 8 tarik kyllalyngkot, hadien ba la dep ka jingiakren ai khublei na u lat jong ka jylla.

Ka jingialang ka la iathuh ba da ki hajar tylli ki long ïing, yn sa ai jingiarap kum shibynta, ka jingiarap ha ka sien ba-ar bad balai katkum ka jingmang pisa jong u snem 2023-24 sha ki 60,000 ngut ki nongioh jingmyntoi.
Ka SEDP ka dei ka prokram ba la wanrah da ka sorkar ba bat ia ka bor shynshar ha ka jylla Mizoram, ka MNF da ka thong ban pynneh pynsah bad tyngkai ia ki marpoh khyndew, lyngba ka jingpynbha ha ki jaka ba ki don da ki paid nong shong shnong.

Ha kane ka polisi, ka sorkar ka don ka jingthmu ban iarap pisa haduh lai lak tyngka sha kito ki nongioh jingmyntoi ba kin sdang ia ki kam khaïi ki jong ki ha katba ki mon, na bynta ban tyngkai bad pynkiew ia ka ioh ka kot ha ki longïing long sem ki jong ki.