Ka seng bhalang Hynniewtrep Integrated Territorial Organisation (HITO), ka la sdang ban mih shakhmat ban ia tuklar politiks, da kaba ka pynlong ia ka jingialang paidbah ha Motphran.
Kin bun ki ban kren bein ne kynthah ia katei ka sengbhalang, ba ka shim bynta ha ka politics, hynrei, katei ka jingthmu, ka long kaba biang bad kaba da biang palat, namar ba ki sengbhalang, ki don ia shibun ki ishu, kiba ki buh ha khmat jong ka sorkar; hynrei kitei ki ishu kin nym urlong satia, lada jia ba kim ioh ia ka sorkar, kaba ki ia sngewthuh jingmut.
Ki sengbhalang, ki don ia ki mat jingdawa jongki, kum ka jingkhanglad ia ki bar jylla, ba kin wan rung kyrthep sha ki shnong ki thaw jongngi, ki don ia ki mat jingdawa kum ka Inner Line permit, ka ktien Khasi, ka jing kamai spah jong ki high level, ka kam pynbeit pud bad kiwei; hynrei kitei kin nym urlong satia, haba ki don ki party, ki bym kwah ban pynurlong ia kitei ki mat haneng.
Kaba kongsan hangne, ka long pat ba ka HITO, kam dei ban shu kren politiks, hynrei, ka la dei ban sei ia ki jingshisha, halor ka jingtrei kam jong kane ka sorkar MDA, kaba mynta bad ia ka jingdkoh kaba don ha kane ka sorkar bad sa ia ki lad, kiba ngi dei ban shim ban nang pynbha nangne shakhmat bad lada ka don ia kine ki ishu, ka dei ban da pyni thik pa thik, ba u paidlang ka jylla, un peitmat bad ba un sngewthuh ba ki jingthmu jong katei ka seng, ki don pleng ia ka jingshisha.
Kam dei tang ka HITO, hynrei, ka la dei ia kiwei ki seng bhalang, ba kin mih madan, ha kane ka elekshon, kaba mynta, da ka jingkhuid ka jingmut jing pyrkhat jongki ban iatehlok bad kano kano ka seng sain pyrthei, kaba ki ia sngewthuh lang ia ki ishu jong ka jaitbynriew.
Ngim lah ban klet, ba ka jingioh ia ka jylla Rilum Meghalaya, ka dei ka ishu sain pyrthei, kaba u paidlang ka jylla, u iashim bynta shitrhem ha kato ka por bad katei ka dei ka ishu politiks, kaba la lamkhmat da u paidlang ka Ri Khasi Jaintia hi baroh kawei.
Ngim dei ban iaklet ba ka ishu Assam Accord, ka dei kaba la ialam da ki sengbhalang bad nangta ka Mizo Accord, ka dei kaba la don bynta da ka seng kaikhlaw MNF bad wat ka ishu jong ki Naga, ka dei kaba shim bynta da ka seng kaikhlaw jong kane ka thain bad lada kitei ki lah ban saindur ia ka politiks; kumta balei, ba ki sengbhalang jong ka mynta ruh ba kim lah?.
Ka jingshisha