Nongpoh: Ki la don da ki spah ngut ki dkhot ka HYC na ki Circle bad Unit bapher bapher, ha ryngkat ka jingdon ki katto katne ngut ki nongialam ha Ri Bhoi, mynhynnin ka sngi ki la pynbna ialade ba ki la mih noh na ka jinglong kum ki nongialam bad ki dkhot ka HYC ha Ri Bhoi.
Katei ka rai ka la mih hadien ba la kut ka jingialang hapdeng ki para dkhot ka HYC, kaba ki la pynlong ha shnong Umling bad katei ka jingialang ka dei ruh ba ki la iakren halor ka jingshah ktah kti u Bah Jason Lennox Nongrum, President ka HYC ha Ri Bhoi bad uba la shah ktah kti ha u Bah Donboklang Kharlyngdoh, Vice-President ka HYC Sengkmie bad kaba la jia mynha ka 12 tarik mynta u bnai ha Nongbah Shillong.
Haba iadei bad katei ka rai ban mih noh na ka HYC, u Bah Jason Lennox Nongrum u la ong, ba na ka liang jong u bad ki nongialam ha ka Distrik bad ki dkhot, ka dei ba ki la sngewjah burom ba u President ka Distrik ula shah ktah kti ha u nongialam HYC sengkmie, ha kaba ki dkhot ka seng ki sngew ba kam myntoi shuh ia ki ba kin don hapoh ka seng bad kata hi ka daw, ba kaba la pynlong ia ki ban mih noh na ka seng.
U Bah Jason Lennox Nongrum, u la ong ruh ba ka jingmih jong u lem bad ki dkhot, kam dei ba la shah pynbor hano hano, hynrei ka daw hi ka long ba u la shah ktah kti ha u Nongialam ka seng kmie, bad na ka liang jong ki kim ban se ban ban shim ka rai ban mih noh na ka seng.
IMAT U PRESENT RIBHOI U BAM HI KA SONG PISA KHLEM AILANG IAKA SENGKMIE…😂😂😂😂😂
Ki Nongialam ka Seng kim pat kot ka bor pyrkhat Rangbah tad haduh bn da ia rah kti iwei ia iwei. Kane ka pyni iaka jinglong tynrai ba bun ki Nongialam Seng bhalang. Bun hi ki khluit khlieh palat.
Ka daw ka jingmih jingkulmar haka Final football ha Byrnihat hakine ki bnai balah dep ruh dei naka jingkynshoit ki Nongialam HYC ba sa pyn kulmar u paitbah…