Shillong:Ka United Democratic Party (UDP) Mawlai Circle ha ka 25 tarik u Kyllalyngkot 2023, ka la pynlong ia ka jingiaid paidbah, da ka kjat bad da ki hajar ki paidbah nongkyrshan u bah PT Sawkmie, uba long u Kyrtong na Mawlai Konstitwensi, ki la ia shim bynta shitrhem ban ia iaid ha kane ka sngi.
U bah PT Sawkmie uba long ruh u MLA barim, u la ialam na khmat ia kaba ki la sdang iaid na iing sah jong u ha Mawlai Nongpdeng ter ter na surok Wahumkhrah sha Mawlai Petrol Pump, ha Nonglum, ha kaba la wan iasoh sa u President ka UDP bah Metbah Lyngdoh kiba la iaid sha Stand bus bad ki la pynkut ha madan kaba don ha Mawlai Mawroh.
Ha ba kren ha katei ka sngi u bah PT Sawkmie u la ong ba kane ka dang dei tang ka jingsdang bad kan sa don biang sa kawei kaba kin iaid pynkut ha ki sngi ki ban wan.
Ka jingpynlong ia kane ka jingiaid paitbah ka long ban iohi ba ki nongkyrshan jong u, ki dang khlaiñ.
U la ong ruh ba mynta u snem ki paitbah ka jylla kin ailad ba ka seng UDP kan synshar ia ka jylla baroh kawei, ban rat dyngkhong ia ka eh ka shon jong ka jaitbynriew.
U la ong ruh ba ha ka por ba synshar u Mukul Sangma, ula pynsuhsat ia ka jylla, hynrei mynta u ngeit skhem ba ka party UDP na ka jingkyrshan jong ki paitbah kin sei ia u nongialam ka seng UDP ban ialam bad ban synshar ia ka jylla, la bynrap u bah Sawkmie.
u metbah u ai ticket tang ban ioh ban don haka power um ba u kwah ba ka jaidbynriew kan Im..Hato ki nong Mawlai ki kmen tang ba sam MLA scheme..Hato u nong Mawlai un klet noh ka jingleh ka UDP kaba don kti ban pyniap ia i bah cheristerfield?Ka UDP ka leh aiu ia kito kiba shah pyniap ha ki bar jylla..Ka Ichamati issue/good link/rhino incident….Ka UDP balei ka kam withdraw naka government halor ki Kam bamsap .Ka Piet plein2.. ko paidbah pynrem donburom ia kine ar party NPP UDP..Lada phi dang ailad biang te Kan bha ba ngi nym thnum shuh ..ka mat leh katba mon