Ka Sohra District Demanding Forum (SDDF), ka la sei madan, ha ki khyndiat sngi ba ladep, halor ka jingshah pynbiej jongka, ha u Conrad Sangma, myntri rangbah ka jylla, halor ka mat, kaba iadei bad ka jingdawa District jongki.
Ha ka kyrwoh khubor, ka SDDF, ka kren shai, ba ha ka 5tarik Kyllalyngkot 2023, u Conrad Sangma, ula ai ktien, ba un iakynduh bad ki dkhot katei ka Forum bad ba un pynbna, ia ka Sohra kum ka District ba pura bad la ong shuh shuh, ba ka Forum, ka la lum wut wut ia ki khlieh nongsynshar, namar ba ka la kmen palat ia katei ka khubor.
Hynrei ha ka jing iakynduh, ki nong Sohra, ki la jew slew, la kumba bam sohngang, namar ba u shu pynbna, ia ka Sohra, ba kan dei ka nongbah jong katei ka District, ka ban sa thaw thymmai.
Katei ka jingkren kam shoh toh eiei ruh em bad ka iahap pynban, ia kaei kaba la kren da U bah Prestone, nongialam NPP, ha kaba u ong “Ngi pynbieit man ka san snem bad ki ngop man ka san snem” bad hangne ruh, ka wan kajuh ka kyntien kaba ia shoh musla bha bad kata ka long ba u Conrad Sangma, u shu pynbieij kai ia ki nong Sohra, ha shwa ka elekshon MLA, ha ka kyrteng jong ka District thymmai bad halor kane ka mat, ki nong Sohra, ki dei ban sngewthuh ruh, ba kam pat ju don kaba kum kane ka jingshah niewbein, ha kaba kat u myntri rangbah, un iakren, da kaba jer kyrteng tang ia ka nongbah jong ka District, khlem da pynioh pat.
Ha kaba iadei bad kane ka mat, la iohi, kumba ki nong Sohra, ki la shah pynbiej, la ar sien, ha u snem 2022, ha kaba u kyrtong jong ka seng NPP, ula pynbna, ba ka jingiasoh jongu bad katei ka seng, ka dei halor ka nongrim jong ka jing pynioh District ia ka Sohra bad u da kren kob hi ruh, ba ka District, kan sa urlong, ha shwa jong ka Kristmas 2022.
Kine ki jingkular, ki shu kylla kam pynbiej bad ki long kam kai pynban, namar ba katei ka pyni shai, ba u myntri rangbah ka jylla, uba ialam ia kane ka sorkar, um salia satia ia ki kam pynroi jong ka Khasi, Jaintia hills lane ban shim khia ia ki ishu kiba ktah ia kane ka thain, hynrei, u pynleit jingmut tang ia ka Garo hills, da kaba u plie ia ki University, ki Civil Division, ki skhim pynroi bapher bad sa shibun kiwei pat, kiba ym lah niew tang shuh.
Kane ka lah ban dei ka thliew baki Nongialam NPP ki plan ban riam ia u paidbah… pynban ngi dei ban ai nguh eh ia u kynrad ba ula thad madan ia kine ki jait bula mynshuwa ba u paidbah un ngop!!!!!!
Ban lada i Bah Alan West Kharkongngor in nym sngew rem, ila dei ban rat ia kylla ia kato ka seng NPP. Namar ka jingrat da u briew uba na kajuh ka seng, kan kham kthang bunshah ban ia kaba ki liang pyrshah ki rat!!!!
Ngi kynmaw bha iaki khana puriskam kiba la saiñdur iaka jabieng briew ban pyrkhat ka ong, “MYNBA KA DIENG KA SHAH POM IAKA TNAT HA U NONGTHOHDIENG BAN SHNA SHPING…. KALA SHU UD MALU MALA… HYNREI DEI TAD HADUH BA KATA KA TNAT KALA WANPHAI PAT KUM KA SHPING SDIE;HABA KA LA KHET IAKA DIENGKHONG JONG KA… KA DIENG BAPLI KALA IAM PAITDOHNUD DAKA JINGKTHANG!!!! Namar ka ong, “Haba mame u briew uba shun ianga, me pom iaki tnat jongnga… ngam sngew eiei watla ki don ki jingpang naki jingmong!!!! Hynrei ba daka tnat jongnga, ka khun jongnga kaba mih nanga kan shet ianga…. wat lada ki jingmynsaw kin duna ia kaba pynmynsaw mame…. ka mynsiem jongnga kan pdang kham bunshah pynban!!!!!! Katno tam lei mynta haba ka khet syndon ianga??????”
Shisha, u paidbah ula iohi iaka target i Bah Alan West…. U lah iohi bha ba i kwah ban pynioh iaka jingmyntoi jong ka Ri Sohra…. pynban haba ka seng kaba i ia ieit ka dei ka seng ki riew shukor…. ym lah leh eiei…
Dei na ita i daw ba la ioh ban ñiew iaka NPP kum ki Phadar KHRISTMAS THOK… kaba la nud ban tyrwa jingai sngewbha daki Synduk thylli!!!!
Kane ym dei banga jler, hynrei ka jingshisha tang kat kumba ka paw.
1. Ha Sohra, ka CHRISTMAS GIFT daka District;ka bym lah ban sei wat haduh ba ka jingrakhe snem thymmai kala kylla rim!!!
2. Ha Mawkynrew(Thynroit) da ka Dawai sboh….
3. Ha kiwei kiwei ki jaka da kiwei² ki synduk thylli lehse kum ki Mawnongrim, bad shibun kiwei ki jait present!!!!!
Ka jingai jingmut ia u paidbah ka long, “HUSIAR PAIDBAH, HUSIAR…. Ha kine ki sngi kin bun ki riew shukor ba khwan myntoi shimet:khlem sngewsang wat daka thok ka shukor!!!!”
“MAREH KYRKIEH SHAKI CHRISTMAS GIFT JONGPHI BAN PLIED kumba leh ki Nong THYNROIT ba stad…. Plied lut iaki synduk ban lap iaki jingshisha….. ioh ba bun naki synduk ba heh ne barit…. kham kyrpang ki synduk ba heh, kiba pynkyndeh iaphi… ioh ba ki dei pynban ki synduk thylli!!!!!!”
KA JINGSTAD JONG U PAIDBAH, KAN WANRAH JINGKYLLA HAKA JAIT BYNRIEW KHASI BAROH KAWEI…. KYNMAW BAN IATEH KYNDON BHA SHUWA KA ELECTION, MYNBA KI WAN PAN JINGKYRSHAN.
TANG KA DEVELOPMENT HI KAM I BIANG SHUH HA KINE KI SNGI….Pyynkynmaw ba, NGI JIED MLA BAN SHNA AIÑ NAKA BYNTA KA SHONGSUK SHONG SHNGAIÑ bad KA ROI KA PAR, KA RI BAD KA JAIT BYNRIEW HI BAROH KAWEI!!!!