Shillong: U Purningstar Shabong na East Khasi Hills District bad u Joplang Kharnaior na Eastern West Khasi Hills District ki la phah ka jingujor sha u CEM ka KHADC kaba iadei halor ka phang jong ka shithi na ka Under Secretary to the Government of Meghalaya, Social Welfare Department kaba No. SW(S)82/2011/Pt.1/111, dated Shillong the 21st July, 2020 kaba la phah sha ki Deputy Commissioner ka jylla ba ki lah ban ai ka syrnot ST sha kiba ai jait kpa, kumjuh ruh ia ki kynthei kiba na kiwei ki jaitbynriew kiba ioh ia u lok khasi da kaba kdew ba ka Lineage Act 1997 kam shym la khang ei ei halor kane ka bynta.
Kine ki rangbah ki la kdew ba katkum ka The Khasi Hills Autonomous District (Khasi Social Custom of Lineage) Act, 1997 kam shym la ong ba ki khasi ba ai jait kpa kin ioh ia ka jingithuh kum ki khasi Tribe bad kam shym la shah hi ruh ia ka kynthei na kiwei ki jaitbynriew kiba ioh lok khasi bad ai jait sha u kpa khasi ban ithuh noh kum ka Khasi Tribe da kaba ioh ia a syrnot Schedule Tribe.
Da ka jingioh ia katei ka shithi na ka tnat Social Welfare jong ka sorkar Meghalaya, la iohi ba la bun ki khasi kiba la ai jait kpa bad kiba la ioh ruh ia ka syrnot Khasi Tribe na ki ophis jong ki Deputy Commissioner jong ki District bapher bapher hapoh ka jylla.
Kine ki rangbah ki la pynpaw ba da ka jingleh jong ka tnat Social Welfare ka buh ha ka jingma kaba khraw ia ka khein kur khein kha ha ka jaitbynriew Khasi kaba la seng bad bud ryntih da ki Longkpa Longkni naduh ki por kulong kumah, bad da ka jingleh jong katei ka tnat ka pynpaw ba ka la ialeh pyrshah ia ki riti ki dustur jong ka jaitbynriew Khasi.
Da katei ka shithi jingujor sha u khlieh jong ka KHADC uba don ia ka kamram ban pynneh pynsah ia ki Riti ki Dustur jong ka jaitbynriew, kine ki rangbah ki buh ka jingkyrpad ban shimkhia halor kane ka kam kaba la ialam bakla ia ka Lineage Act ia kaba la thaw hi da ka KHADC bad ban dawa mardor ia ka tnat Social Welfare ba kan pyndam noh ia katei ka shithi bad ruh ban dawa na ki ophis jong ki Deputy Commissioner jong ki District kiba lah ai ia ki syrnot Schedule Tribe sha ki bym dei hok ba kin pyndam noh mardor ia baroh ki Schedule Tribe ba la ai sha kiwei ki jaitbynriew kiba ioh ia u lok khasi bad ai jait sha u lok namar ka long pyrshah ia katei ka Lineage Act, 1997 bad ruh ka long pyrshah ia ka Riti ka Dustur jong ka jaitbynriew Khasi.
Shuh shuh kitei ki rangbah ki pan ruh ka jingpynshai na ka KHADC ba hato ka don bynta ne em ban pynmih ia katei ka jingthoh hadien ba la paw shai ba ka tnat DCA ruh ka don bynta lem halor katei ka phang.
Ba ai jait kpa dei ban pynduh pyndap noh shisyndon……….
Ai jait kpa ban im ka ri bad jait bynriew namar kabor ka shong ha ki shynrang. Bad leh ruh kat kum ba hikai ka Bible.
Da ioh lok dkhar Nigru phareng ka kythei khasi ki khun jongka dei khasi paka 🤣🤣
ki dei ki rangbah kur 🤣🤣
Kein noh ka jingpyrshah, namar ha thain ri bhoi lei lei ki bun ki jingai jait kpa, namar ka rukom jong ki, ki pdiang beit, da dei ba pyrshah pynban ia ki kynthei ba ioh mynder dang ia hap
to ngin kham pyrkhat khambha pynban iaka jingwan shim lok khasi da u dkhar namar ki iohlad bn knieh ia u lakam ka kynthei bd u pynlong Pat kum ka license ha Ri Khasi jongngi