5ngut ki kyrtong, ki ban ialeh Syiem Hima Mylliem

Shillong: Ka Khasi Hills Autonomous District Council, Shillong ka la pynbna ba hadien ba la dep khot ia ka dor khast na ka bynta ka jingiajied ia u Syiem jong ka Hima Mylliem katkum ka jingpybna NO.DC.XXVII/Genl/PF/71/2004-2023/60/30 Dt. 11.01.2023 la ioh ban pdiang san tylli ki dorkhast ia kiba lah pdiang hadien ba lah khmih bniah ia kine ki dorkhast khlem kino kino ki jingujor kiba kynthup ia u Samran Sing Syiem, u Pynshailang Syiem, u Banteilang Syiem, u Ainam Manik Syiem bad u Mansan Manik Syiem.

Ka jingiajied ia u Syiem ba pura jong ka Hima Mylliem kan long ha ka 20 tarik u Rymphang 2023 ha ka por 12:00 shiteng sngi ha ka Conference Hall, Khasi Hllis Autonomous District Council, Shillong da kaba shu niew khlieh ia ki nongjied kiba la ithuh katkum ka Khasi Hills Autonomous District Act, 2007 ba yn pyniaid da u Presiding Officer u ban sa thung da katei ka Ophis.