Haduh 10 lak tyngka, kurup pisa na Sutnga -Saipung konstitwensi ha East jaiñtia hill

Shillong: Haduh 10.72 lak tyngka ka pisa, la ioh kurup da ki bor pyniaid distrik ha East jaiñtia hill district,shwa ka elekshon sha ka ïingdorbar thawaiñ jong ka jylla meghalaya.

U Bah FR Kharkongngor, Chief Electoral officer, u la iathuh ha ka sngi saitjaiñ ba ka jing kurup pisa ha ki lai tylli ki jaka ha ka shnong Umkiang, kaba hap ha Sutnga -Saipung konstitwensi. Ha ka jing kurup ba nyngkong ki pulit ki la ioh kurup haduh 1.85 lak tyngka, ha ka jingkurup ba-ar pat ki pulit ki la ioh haduh 2.875 lak tyngka bad ha ka jingkurup balai ki pulit ki la ioh kurup haduh 6lak tyngka ha ka 19 tarik jong u bnai Kyllalyngkot 2023.