Shillong:U Lamphang barim ka Ïing Dorbar Thaw Aiñ bad ruh u CEM barim ka KHA DC Bah Bindo M Lanong, ula pynkha ïa ka United Demo cratic Party-Orginal (UDP-O) ban mih aireng kum u kyrtong ha ka ilekshon MLA-2023 na Nong krem Cons tituency.
U Bah Bindo uba dei uwei na ki Nongseng jong ka United Demo cratic Party (UDP) ha u snem 1997, ula shah pynduh tiket ha ki Nongïalam ka Party, kiba la ai pynban ïa ka ticket sha u Bah Lambor Malngiang uba dang shu wan ïasoh thym mai hadien ka jingieh noh ïa ka kam MLA.
Haba ïa kynduh bad ki lad pathai khubor, u Bah Bindo ula pynbna ba un mih aireng kum u kyrtong ha kane ka ilekshon MLA ban wan kum u kyrtong shimet na ka seng UDP-O.
Hynrei ula ong pat ba un ym ïaid satia la ka jong ka lynti bad ka UDP namar ka UDP-O ka dei tang ka shnat jong kane ka party. U ong ba un mih madan ban ïakhun pyrshah kat kaba don pyrshah ïa ka UDP bad hadien ba la dep ka ilekshon, un sa leit phai biang sha ka UDP.
“Mar synkut ka ilekshon, ngan sa rai ban leit ïatylli biang ïa ka UDP-O jong nga bad ka UDP. Ngan leit phai biang sha ka sengkmie lajong, kan kham suk ïa nga namar ar-lai ngut ki nongïalam kiba pyrshah ïa nga ki la don shabar,” ula ong.
Haba kylli, u Bah Bindo ula pyntip ba um don satia ïa kano kano ka jingthmu ban pynkha ïa ka seng saiñ pyrthei ba thymmai ha Jylla.
Biang palat Bah Bindo kata ka jingmut jongphi. Nga iaroh jur ia kane ka jingleh jongphi. Kane ka pyni ba phi dang kwah hok shisha ban ialeh bad kumba ong ka kyntien ba haba iaroh ia u briew dei ban iaroh beit ha ka por ba u dang im ym ynda u la iap. Lada long kumne te dang don jingkyrmen ka jaitbynriew namar wat haba ym ioh ruh hynrei khlem phet satia shawei. Im slem Jaitbynriew..