Ka elekshon komishon, ka la sei, sa kiwei ki buit thymmai, na ka bynta ban pyniaid ryntih, ia ka elekshon MLA 2023, ha ka jylla bad ki rai jongka, ki kynthup ia ka jingpynbna ha ki kotkhubor na bynta kito ki kyrtong kiba la don bynta ha ki kam pyniap briew, ki dak sniew ha khmat ka ain bad ka la buh ruh ia ka apps ba kyrpang, ba ki nongjied kin tip kham bha, ia la ki jong ki kyrtong MLA bad kam dei tang katta, ka la bthah ruh ia ki paidbah, ba haba ki iohi, ia ki briew kiba sam pisa, ba kin ring video bad ba kin phah sha katei ka tnat pyniaid elekshon.
Hynrei ka mat, kaba kongsan bha ban iakren hangne, ka long ba kane ka elekshon, ka iaid lut khoit ha ka rynsan jong ka social media bad katei ka mut, ba ha kine ki sngi, ka jingtip ia ka jingkanbas elekshon, ka la wan lut lyngba ka social media, ka jingkren ki kyrtong bad ki seng sain pyrthei, ka la paw lut shait ha ki social media bad kumta kam da donkam eh shuh ia ki paidbah, ba kin pynlut por, ban leit peit sur ne leit peit dur sha ki jaka jingialang bad shu peit ha ka mobile lajong, baroh ki jingtip, ki la poi lut.
Ki don bun kiba ong, ba ka elekshon MLA 2023, ka long kaba pjah sam sam bad ka lah ban dei ka jingshisha, namar ba ka jing iakren harum haneng, ka jing ialum ialang sha ki jingialang bad ka jingleh shongshit ha ki iing iap briew, ki dukan sha bad ki iew ki hat, ka la duna bha bad ka daw, ka dei namar ba ki paidbah, ki la iohi bad tip lut ia baroh kiei kiei ha ki social media.
Ki la tip lut, ia ka jinglong U MLA jongki bad lada dei uba nang kren ruh phareng ruh ki la tip, lada dei uba kren sih ruh, ki la tip, lada u dei u thlong ruh ki tip, lada dei uba nang ban shad ruh ki tip bad lada dei uba ju thalain ha iing dorbar ruh ki tip lut bad wat ia u kandidet thymmai ruh, kim donkam shuh ban iakynduh markhmat, namar ba ki la iohi ia ki dur ki dar ha ki social media.
Lyngba kine ki jingshisha, ka kdew shai ba ka Election Commi ssion, kam lah shuh ban khang ia ka jing iadei jong u kyrtong bad ki paidbah lyngba ki social media lane ia ka jingwad jingtip jong ki paidbah ia la ki nongmihkhmat lane ia ki kandidet ruh kumjuh bad lyngba kine ki jingshisha, ka la dei toi ban khang noh ia ki jing kanbas elekshon sha ki shnong bad dei ban ailad ia ki kandidet bad ki paidbah, ba kin ia tih jingtip, lyngba ka digital media.
Kane ka khubor te, ban haka jingsngewthuh jongnga ka la BAKLA JUR.
BALEI???
1. Lada u Nongmihkhmat&KI PAIDBAH ki dei kiba don jingkitkhlieh, ki dei ban ia kynduh markhmat. Khnangba kin ioh ban iakdew iaka lait ka let, ka tam ka duna. Ban ioh tohkit lut, iaki jingbym shai baroh ruh. Wat ban iateh jutang naka bynta kata ka Samoi San snem!!!!
2. Ban shu ia BISHAR TANG NAKI SCREEN SOCIAL MEDIA, ka long thik kumba ong, “PHI BISHAR IAKA KOT NAKA JINGSOP JONG KA!!!!”. Kata ka long ka bym long, bad kaba ma bha!!!!
3. Kam dei ka kam kaba suk baki shkor bad ki khmat kin pynleit jingmut than ha kine ki jait technology;la ka dei ia u PAIDBAH, ne ia KI NONGMIHKHMAT!!!
4. Wat ban duna than ka minit jingialang ruh ki CANDIDATES ne UPAIDBAH U SNGEW SAHNUD namar shibun kiei² kiba u kwah ban iakren u duh noh!!! Lada kan iaid tang lyngba ka online, SNGEW THIKNA BA KA POR KAN NANG LYNGKOT SHUH²;NAMAR KHAM KYRPANG HA STATE MEGHALAYA,WAT TANG BA KIN PYLLAIT IAKA ORDER BALA SHAH BAN IALAP PAIDBAH RUH KAN LONG KABA BAM POR BHA…. LEHSE WAT HABA KA ELECTION COMMISSION JONG KA RI INDIA KALA AI ORDER!!!!
5. Ngeit skhem ngi iohi bha, HAKA JINGIALANG PAIDBAH, KHAM ÑIAR U BRIEW UBA NUD BAN KYLLI JINGKYLLI; LAIT NOH SATANG BA KA MAT KA DEI KABA DONKAM TAM, BA WAT U SAMLA SAMHOI UM LAH SHAH BAN KHLEI WAT HAPDENG KA JINGKHIE KHYRÑIUH KI KJAT KI KTI&WAT KA SUR!!!!!
Ha kawei pat ka liang lyngba ki SOCIAL MEDIA; NGI IOHI BHA PYLLEIÑ, BA WAT IA KI DC, KI CM, DY.,CM…. U PAIDBAH U NUD WAT BAN TLASIH!!!!
Na kata ka daw, kaei kaba nga mut ban ong…. Kin bun kiei² kiba lah ban pynpang khmat & ban pynktha khlieh, wat ia kita ki briew kiba la aiti ialade ban shakri paidbah.
Ki comments jongno kin shim, ki jongno kin wad???? Ia kaba dei ba kin iohi hakhmat eh, kan long pynban kaba la burieh namar ka jingkloi lap ba thait ki khmat ban pule iwei pa iwei!!!!
Kine ki long khyndiat kiei² kiba naka liang jongnga nga sngew ba ki long kiba donkam ban pyrkhat bha. Hynrei lehse ki don ruh shibun, kiba u paidbah ba bun u iohi sada kiwei ruh!!!!!