Shillong:Ar bnai duna shwa ka jingpynkhreh ïa ka jingjied ïa ki nongmih khmat sha ïing Dorbar Thaw Ain ka jylla Meghalaya, mynta ka 5 tarik u kyllalyngkot 2023; ki lai ngut ki MLA ka jylla bad kynthup uwei u myntri sorkar kiba la wan ban iehnoh kam ïa ka jinglong MLA jong ki bad ban aiti ïa ka shithi iehnoh kam ha khmat u lamphang ka iingdorbar thawaiñ ka jylla u Bah Metbah Lyngdoh.
Kitei ki lai ngut kiba la iehnoh ïa ka jinglong MLA ban pynkhreh ban rung sha ki wei ki seng saiñ pyrthei ki kynthup ïa u Bah Hamletson Dohling MLA ka Mylliem na seng PDF, u Bah Samlin Malngiang MLA ka Sohiong ka seng HSPDP lem bad u MLA ka Umsning u Bah Jason S Mawlong na ka seng PDF.
Haba kren sha ki lad pathai khubor, baroh lai ngut kiba iehnohkam ïa ka jinglong MLA, kiba la pynkhreh ban rung sha ka National People Party (NPP) bad ruh shen ka NPP kan pdiang ïa u Bah Hamletson ha ka 7 tarik mynta u bnai, bad ïa u Bah Samlin ha ka 10 tarik mynta hi u bnai lem bad lashai ka sngi ïa u Bah Jason S Mawlong.
Shi bynta ngi hap ban ong ka long kaba pynskuiñ bad pynsarong ïa ki nongialam ka NPP ba wat ïa ki paitbah nongkyrshan ka NPP, namar ka jingbhabriew ha NPP baroh lai ngut ki iap biej.
Ha kane ka sngi jong ka jingwan iehkam, kitei ki lai ngut la synran lang da ki nongkitkam jong man la uwei pa u wei ki nongbud jong ki.
KINE KI HAP LEIT SHA GARO LAND BAD IALEH CASINO ,KI IBEIÑ IA PARTY BA LA JOP ,KA JINGBABE BYM KAH BATAI KAN WAN HU 2023,HANGTA YN DONN JINGPYNTNGEN SHUH
ki khmih lynti ba ka npp kan synshar marwei 2023, hynrei kan ym jop tam iaka 6 seat na khasi bad 4 seat na garo, katkum ka Jing synshar bymhok mynta, ki paitbah ki la syllang