Mynsaw u MLA jong ka Chokpot ba leit tynrah ia ka kynroh jong ka skul ICFAI

Shillong: U MLA jong ka All India Trinamool Congress ba mihkhmat ia ka Chokpot constituency na south Garo hill district, u Lazarus M Sangma, la rah noh ia u sha Tura Civil hospital ha ka miet jong ka 3 tarik Kyllalyngkot, hadien ka jing mynsaw na ka jing leit tynrah ka kali ka jong u ia ka kynroh jong ka skulbah ICFAI hajan Balonggre shabar ka nongbah Tura

Ka jingjia ka la jia ha ka miet jong ka 3 tarik kyllalyngkot, ha kaba u MLA u la ñiah ia ka Bolero ba don ia u registration number ML 08 H 7639, ryngkat bad u wei u nongtrei u jong u. La kynnoh ba u la pynher sted bha ia ka kali haduh ba um lah shuh ban tehlakam.

Ka kali ka la leit tynrah beit ia ka kynroh jong ka skulbah ICFAI, kaba la wan rah ia ka jing jot jing pra jong ka kali bad ka kynroh ruh kumjuh.

Ki ar ngut ki briew ki ba don ha ka kali, kata u Lazarus M Sangma (40 snem) bad u wei pat ba la iadon lang la tip kum u Tengsrang CH Momin (40snem)na Dobasipara, Tura la rah noh sha Civil Hospital Tura, namar ba ki la mynsaw.