Ther U bah Ronnie, bah JA Lyngdoh ba shah nion ki Kristan ha Chattisgarh

Shillong:Ka Meghalaya Pradesh Congress Committee, lyngba u Working President u Bah Ronnie V Lyngdon, haba kren sha ki lad pathai khubor mynta ka 4 tarik u Kyllalyngkot, ka la pynrem jur ia ki riew bym man kiba la leh donbor bad thombor da kaba pynjot pynpra ia ki ingmane khristan Catholic, kiba ha ka jylla Chattisgarh kaba la dep dang ha kine ki khyndiat sngi.

U Bah Roney Lyndoh uba dei u MDC bad uba la long teng ruh u MLA, u la pynpaw ka jingsngew khia bad pynrem jur ia katei ka jingleh jong ki ha ka juh ka por u la dawa na ka sorkar kaba don ha Chhattisgarh bad kum juh ia ka sorkar India ba dei ban pynshitom, ia kitei ki riew bym man kiba la ñion ia ki khristan kiba la long kum ki ritpaid ha katei ka jylla.

U Bah Ronnie bad u bah JA Lyngdoh, ki la ther tyngeh ïa ka BJP da kaba kynnoh ba ka BJP ka leh tang ki buit poh ban ñoin beiñ ia ki pait riew ngeit khristan ha ka jylla Chhattisgarh bad ruh ka jingleh jong ka BJP da kaba phah jingthoh ban phah kheiñ ia ki iing mane khristan ha ka Jylla Assam.

Shuh shuh la bynrap hapoh ka jylla Meghalaya ba ki paitbah nongshong ki dei ban antat ban jied ïa ka seng BJP, NPP bad kiwei ki seng saiñ pyrthei kiba don lang ha ka juh ka uniform.