Kino na ki party kiba ioh kham bun ki MLA, ha ka jingkyntiap Seng?

Da u Bah Philip Marwein

Lada bishar na ka jingleit iasnoh ki MLA kiba la kyntiap seng ki Party ki ba la iohnong ki dei ka UDP, ka NPP, ka BJP bad ka TMC.

Ka UDP ka la iohnong 4 ngut ki MLA bakynsai, U Bah Mayralbon Syiem na 9-Nongpoh, u Bah Process Sawkmie na 15-Mawlai, u Bah Lambor Malngiang na 22- Nongkrem bad u Bah Renikton Lyngdoh Tongkhar na 36-Mawkyrwat.

Ka NPP ka la iohnong na 11-Umsning ia u Bah Jason Sawkmie Mawlong, na 16- East Shillong ia ka kong Ampareen Lyngdoh, na 18-West Shillong ia u Bah Mohendro Rapsang, na 20-Mylliem ia u Bah Hamletson Dohling, na 23-Sohiong ia u Bah Samlin Malngiang bad na 33-Rambrai-Jyrngam ia u Bah Kimfa Sidney Marbaniang.
Ka BJP ka iohnong na 25- Mawsynram ia u Bah Himalaya Shangpliang, na 44-Raksamgre ia u Benedict Sangma, na 48-Salsella ia ka Ferlin Sangma, na 56-Gambegre ia u Saleng M Sangma bad na 60-Baghmara ia u Samuel A Sangma.

Katba ka AITC (TMC) ka iohnong kham bun shuh shuh ki MLA haduh 10 ngut, na 12-Umroi ia u Bah George, na 21-Nongthymmai ia u Bah Charles, na 38- Mendipathar ia u Marthon J Sangma 41-Songsak ia u Dr. Mukul Sangma, na 45-Tikrikilla ia u Jimmy D. Sangma, na 52- Rangsakona ia u Zenith Sangma, na 53- Ampati ia ka Miani D.Shira, na 54- Mahendraganj ia ka Dikanchi D Shira, na 55- Salmanpara ia u Winnerson D. Sangma, na 59-Chokpot ia u Lazarus M. Sangma. Kane kam mut satia ba baroh kine ki MLA kiba la kyntiap seng kin jop ha kane ka ilekshon 2023.

Kiba duhnong ki dei ka HSPDP ka la baroh 2 ngut kiba la jop ha ka 2018 bad ka PDF ruh ka la duh 2 ngut (2) katba ka KHNAM kaba la jop tang 1 ka la duh noh ia u ruh.