Shillong:Haba pyniar shuh, ia ki thapniang ka parti Meghalaya Trinamool Congress ka la ioh ban pynlong ia ka jingialang na bynta ki kam jong ka parti ha ka shnong Mawngap kaba hap ha Mawphlang constituency, ha ka jing ia donlang ki nongialam jong ka parti na ki district, ki paidbah nong kyrshan ryngkat ki nongialam ba paw khmat jong ka parti ha ka jylla.
Haba kynthoh ia ka jingjia ba sngew kyndit ban tip ia ki jing pyrshah kristan jong ka parti BJP, u MLA jong ka TMC na Umroi constituency,u la ong ba ka por imat kan ym slem shuh ba ka sorkar ba ialam da ka parti BJP, kin leh kumjuh ia ki kristan ha ka jylla Meghalaya ka jong ngi, ha kaba u la ong ruh ba ka parti BJP kumba long mynta ka la sdang ban pyntreikam ia ki mat treikam ki jong ka, kiba ka la angnud lah slem bha, ki la peit thuh bad shim jingkheiñ bha ba haduh katno tylli ki ïingmane ngi don, katno ngut ki nongialam niam ki don bad haduh katno ngut kita ki longïing kiba dei na ka niam kristan ki don ha kine ki hynriew snem.
Haba kynthoh tyngeh ia ka parti BJP, une u nongialam jong ka parti TMC, u la ong ba ka parti BJP ka don ka jingthmu ban pynlong lang lut kumjuh ia baroh, ha baroh ki jylla kiba don ha ka ri, da kaba u la ban shuh ba ki ïingmane jong ki kristan ki khyllem “Ngi hap ban ïeng rangbah ban kren bad iada haba iadei bad kane ka bynta. Ka jing poi jong ki sha ka jylla jong ngi kan pynjot thiaw ia ki jing don jingem ha ka jylla”, la ong u bah Lyngdoh.
“Da ka jingngeit ka ba skhem ba ngin lah ban tei ia ka jylla Meghalaya, ka parti Trinamool Congress ka don, na ka bynta ka ïing ka sem bad ki khun ki kti ki jong phi. Ngi la kular ia ki longkmie ha ka jylla Meghalaya ba ngin ai ka jing kyrshan ia ki longkmie ha man la kawei pa kawei ka thliew ïing ha u snem 2023, da kaba ngi la pyllait paidbah ia ka Women empowerment card(we card) kaba dei shi bynta jong ka MFIWE skhim” ong U bah George.
Ha kane ka jingialang nalor u bah George B Lyngdoh, MLA ka TMC na Umroi constituency, la ia don lang ruh u bah James Lyngdoh Vice President jong ka parti, kong Kathelene Marbañiang, kong Elgiva Rynjah President jong ka TMC 17 -North Shillong constituency bad u bah Mawkordor Rynjah, uba dei u nonglum nonglang ia ki kam jong ka parti ha Mawphlang constituency, nalor kiwei pat ki nongialam jong ka parti.
Kano kano ka political party ha India kam leh bein niam, ki dei ki riew shit khlieh buaid niam kiba leh ki kam riew khlaw ia kiwei pat ki niam ba ki sngew pyrshah.
Ka dei kaba phi ong, kine kiei kiei baroh dei tang ka jing leh politic jong no re jongno.