Lah ban pur sted ka khlam kovid ha India, ha u Kyllalyngkot

Shillong:Ka ri India ka lah ban sakhi ia ka jingkiew sted jong kiba iohpang kovid-19 ha ka ri ha pdeng u bnai Kyllalyngkot jong u snem ban wan.

Katkum ki khu bor na ka tnat ka koit ka khiah jong ka sorkar india, la iathuh ba ha kine ki 40 sngi ban wan ka long kaba donkam bha ba ngin long husiar.

Hadien ka jing iohi ia ka jingkiew sted jong ka jingpang kobid kumba 30-35 sngi hadien ba kane ka jingpang ka la kiew bha ha ki phang shatei jong ka dewbah Asia, ka lah ban dei ka jing kylla ba thymmai.
Katkum ka jing iathuh, na ki bor pyniaid jong ka tnat ka koit ka khiah ba ka long ka man jong kane ka jingpang ka lah ban duna bha,wat la ka jing sdang jong ka jingpang kan kiew biang, hynrei ki ban phah sumar ha ki aspatal hi kin kham duna bha.

Kumba long mynta ha ki ar sngi kiba ioh thymmai ia ka jing pang kobid hi ki long haduh 39 ngut.
Hadien ba la ioh lum jingtip ia ka sdang kiew biang jong ka jingpang kobid ha ki ri kum ka China bad South Korea, ki bor sorkar ki la bthah ia ki jylla, ba kin long kiba la khreh nadong sha dong la da ka jingpang kan poi ha kino kino ki por.
Ka jingkiew jong kiba ioh pang ka dei na u virus omicron BF.7.