Ka jing pyniaid thymmai, ia ki bos kamai ha Shillong

Shillong: U Superintendent of Police, East Khasi Hills, S Nongtnger, IPS, lyngba ka kyrwoh, u la pynbna ba hadien ba la peit bniah ia ka jinglong jingman jong ki surok kiba ha ka thain Police Bazaar bad Motphran bad da ka jingthmu ban pynduna ia ka jingkhapngiah ki kali ha kine ki thain, ka Shillong Traffic Police (STP) kan pyrshang shuwa ban pyrkhing ia ka jingrung bad ka jingiaid lyngba jong baroh ki jaid Public Transport Bus SPTS sha ka thain Motphran bad Police Bazaar, ka ban sdang naduh ka 23 tarik u Nohprah, 2022 bad ka jingpyniaid thymmai ia kine ki Bus ka long kumne harum –

1. Ki Bus kiba wan na Mawlai lyngba ka Polo bad na NEIGRIHMS lane na ka thain Nongmynsong lyngba ka 4 Furlong bad kiba mut ban leit sha Police Bazaar lyngba ka CS Junction, IGP Point bad Kachari Point ki dei ban khun noh na IGP Point lyngba ka Barik shakhmat.
2. Ki Bus kiba wan na ka lynti Highway, kata, na Nongthymmai, Laitumkhrah lane kiba wan na Mawlai, Lumdiengjri lyngba ka Civil Hospital bad kiba mut ban leit sha Police Bazaar lyngba ka IGP Point bad Khachari Point ki dei ban khun noh na Khachari Point lyngba ka Raj Bhavan shakhmat
   Da kane ka kyrwoh khubor, ka tnat Shillong Police Traffic ka kyrpad ia ki paidbah baroh ban iabud lang ia ka jingpyniaid thymmai jong kane ka tnat.