Ingkhong u samla na ka jingjia pluh ka iingtrep, ha Sohlait Thymmai

Nongpoh: Uwei u samla uba la tip kum u Braveman Tangsang 30 snem ka rta, u la khlad noh na sla pyrthei, kata ka dei hadien ba ki thylliej ding ba shyrkhei ki la ioh ban bam duh ia kawei ka iingtrep, kaba utei u samla u la thiah hapoh katei ka iingtrei bad kaba don ha kawei ka khlaw rep ha shnong Sohlait Thymmai.

Ka jingtip kaba la iohlum, la ong ba katei ka jingjia la shu suba ba ka la jia hynnin ka step phyrngap, kata ha ka por ba utei u samla u dang iohthiah lyngngai hapoh katei ka iingtrep, kaba dei ka iing kaba u pyndonkam.

Haba iadei bad katei ka jingjia, u Bah Ale Khongjoh, kpa jong utei u samla, u la iathuh ba u khun jong u, u shait wanphai sha iing manla ka sngi u Blei, hynrei namar ba um shem la wanphai shuh, mynta ka sngi ki la leit ban wad ia u, hynrei kaba sngewsih ka dei hadien ba ki la lap pynban ba katei ka iingtrep ka la pluh bad utei u samla u la khlad bad ingkhong, hadien ba u la shah bamduh ha ka ding.