Ka skhim sam sniang bad sam syiar jong U Conrad Sangma, ka la nang pynmih ia ka jing ia kynnoh kaba bun jait bun skit, ha kine ki sngi, ha kaba ki samla UDP ruh, ki la kynthah jur ia katei ka skhim, kaba kynthup ia ka FOCUS, kaba sam T.5hajar sha uwei u nongrep bad nangta, sa ka jingsam khun sniang bad khun syiar ruh.
Ka BJP, ka la dep sangah ia U Conrad Sangma, halor kane ka skhim, ha kaba nalor U Bah Ernest Mawrie, President jong katei ka seng; ula kynthah jur, sa U MLA jong ka Assam, U Dr Numal Momin, da kaba u kynnoh, ba kane ka sorkar jong U Conrad Sangma, ka pynkylla kam politiks lut ia ki skhim jong ka sorkar India, ha kaba nalade kam don pisa, wat tang ban siew tulop thikna, ia ki nongtrei ruh.
Kane ka mat, ka don ka jingdkoh kaba jur shibun, wei haba la mih ka jing ujor, na ka seng kmie jong ka sorkar MDA (BJP), kaba tip lut ia ka tynrai jong ki skhim, ba la pyniaid kam sha ka jylla bad nangta sa ka UDP (ka khun khadduh) jong kane ka sorkar MDA.
Ym tang katta, la iohi ruh, ba ia kane ka skhim sam khun sniang, khun syiar bad ka jingsam bein T.5hajar sha uwei u nongrep, ba ym shym la pyntrei kam satia ha ki Constituency jong ka seng UDP bad BJP, katba ia katei ka skhim, la pyndonkam maphot, tang ha ki Constituency jong ki MLA, ka seng NPP.
Na ki jingthoh ha ka website jong ka sorkar jylla, la batai ba ka FOCUS skhim, ka dei ka ram bad la ai khnang ia katei ka pisa sha ki nongrep, ba kin ioh jingiarap, na ka daw jong ka khlam covid bad la iathuh, ba katei ka ram, ka dei kaba T.200klur bad la iathuh, ba katei ka dei ka ram, kaba ym donkam satia ban siew ia ka sut.
Kumta, lada katei ka jingai sha ki nongrep, ka dei ka sut, ka pyni ba kito kiba ioh khun sniang, khun syiar bad nangta kito kiba ioh ia katei ka pisa kaba T.5 hajar, kin hap ban siew ia ka trai bad kumta, katei kan long ka skhim, kaba pyn jyrwit shi katdei ia ki paidbah, ynda kin shah beh ram, ha ki Bank, ha ki snem ban wan.
U Conrad Sangma, ula dei ban long adkar bha, ia kane ka mat, namar ba kan buh jingeh ia ki paidbah, lada jia ba um wan shuh ha ka sorkar ha u 2023.
Phi don ban ong eiei?