Wat biej ia ka Focus ka NPP & ka 1000 ka TMC, ong ka UDP

Shillong:Ka Shillong City Youth Wing jong ka seng UDP, ka kyntu ïa ki paidbah jong ka Jylla Megha laya ba kin nym biej bad shah pynngop ha kane ka scheme FOCUS bad FOCUS+ jong ka NPP bad kata ka scheme 1000 na ka bynta ki longkmie jong ka TMC.

“Ngi ngeit skh em ba ki paidbah ka Jylla ki dei kiba lah shai bad kiba sngew thuh kham bha ïa ki jingshisha bad ruh ban bishar ba shaei kine ki jait schemes ki jah ha ki 4 snem kiba lah leit hynrei ki mih syndet syndet mynta tang 2 bnai shwa ka election. Kum ka Youth Wing, ngi buh ka jingkylli, hato ki paidbah ki donkam jingïarap tang shwa ka por election ?”

“Ka jingwan jong ki heh nongïalam jong ki seng kiba na bar ka Jylla lane kiba baroh ki tip kum ka National Party ha kane ka Jylla tang ha ka por election ruh ka pyni ba ki ithuh ïa ka Jylla jong ngi tang ha kine ki por, ngi ngeit ba ki paidbah kin nym patiaw than ïa kane ka jingwan pynbiej jong kine ki nongïalam kiba na ri Thor” ong ka kyrwoh, na U bah Desmond K.L Mawlong, General Secretary, Shillong City Youth Wing.