Yn iatehlok ka BJP bad NPP ban iakhun elekshon GHADC

Shillong 1 Nailur:
Ka BJP ka la pynkhreh ban iakhun ia ka elekshon sha ka GHADC bad ka NPP kaba dei ka paralok ha ka NDA ha ka sorkar pdeng.
Kat kum ka jingiakren bad u President ka BJP Meghalaya, u Bah Khlursing Lyngdoh la iathuh ba ka party ka la don hapdeng ka jingpynkhreh ban sei kyrtong ha kiba bun ki jaka ha kane ka elekshon GHADC kaban sa long shen.
“Ngi la pynkhreh ban pyniakhun bun kyrtong ha ka GHADC ban long shen bad ngin iakhun lang bad ka NPP kaba dei ka paralok jong ka kynhun synrop ka NDA”, la ong u Bah Lyngdoh.
Wat la ka party kam pat da suh thied bha ha ka jylla khamtam ha Garo Hills ha ki snem ba la dep, hynrei mynta ka BJP ka la sdang ban nang ioh bor   hadien ba la ioh ban bat ia ka bor synshar ha Delhi.