La leit phai ki phewir na Moolber sha Mookhim

Jowai, 1 Nailur:
Ki paidbah na ka shnong Mookhim kiba la wan poi phetwir sha Moolber ki la leit phai noh mynta ka sngi ha ryngkat ki pyrton puli pahara ka sorkar Assam.
Ia kane ka jingleit phai noh kitei ki paid khasi pnar la pyntikna da u Deputy Commissioner ka West Jaintia Hills District u Arun Kr Kembhavi bad da u Rangbah shnong ka Shnong Moolber.
“Mynta ka sngi ki pulit Assam ki la wan shaw ia kitei ki phetwir ban ialam ia ki sha ka shong jong ki hapdeng ka jingpahara”, la iathuh u DC, hynrei tang kawei ka longiing ki dangsah namar ki dang ap ia u kpa jong ki.
Ki don haduh 185 ngut kynthup 95 ngut ki khyllung bad khynnah kiba la wan phet iap sha Moolber hadien ba ki la shah byrngem pyntieng pynsmiej ha ka kynhun lehnoh Karbi ka la kyrshan da ki katto katne ki paidbah Kari ha katei ka thain.
Na ka liang u DC u la iathuh ruh ba ka jingialang hapdeng ka bor District Karbi-Anglong bad West Jaintia Hills kan long ha ka 3tarik une u bnai ha por 11 baje ha Khanduli.