Dei U SI, uba ujor ejahar pyrshah ia ki nongialam HNYM

Shillong:Ki nongialam jong ka HNYM, ki la shah khot, mynhynnin ka sngi ha ka 5 tarik Nohprah ha ki pulit jong ka Sadar police station.

Ha ka jing iakren bad ki lad pa thai khubor, na ka liang u bah Louis Doh tdong, nongialam, ka Hynniewtrep Natio nal Youth Movement (HNYM), u la ong ba ka jingshah khot hajir ia u ka dei halor ka jingjia kaba la jia por ba ki dawa ia ka ILP ha ka por ba u dang don bad ka seng Comso.

U bah Louis u la ong ba hadien ba la iakren bad u SI, u la ong ba ka dei tang ka jingpynkynmaw ia ka ishu, kaba lajia ha u snem 2019,2020,2021.
“Naduh ba nga lah mih na ka Comso ngam don bynta shuh bad ki kam jongka Comso bad ia kane ka case ka jingleh jong ka seng Comso ha kito ki por ngam shym la don bynta shuh” la ong u bah Louis.
Shuh shuh u bah Louis, u la ong ba ym dei tang kane ka Case, hynrei ki pulit ki la pynngat case ruh ha ka jingialang kaba la pynlong ha Motphran bad la pynngat ha ka case 505b, 124 A, bad ka 506 bad haduh mynta um pat pat ioh ia kata.

Ha ka shithi ba u la iohi ba la thoh bad ba la ai Fir ia u, ka ong pyrshah ia ka seng HNYM da u wei SI napoh Lumdiengjri ba kyrteng u bah Nongspung, la bynrap u bah Dohtdong.
U la kyrpad ia u ne u bah Nongspung ba ai Fir ia ka seng ba ha katei ka 24 tarik ba la pynlong jingialang ha Motphran kam dei kaba ki pyrshah ia ki pulit, hynrei ki kren ia ka jing sngewkhia ia ka jingshah leh beiñ iaka jaithynriew. Ka jingduh noh jong ki 5 ngut ki mynsiem ha ka shnong Mukroh, ka dei ka dak ka shin jong ka jingshah thombor jong ka jaitbynriew. Lada u ne u pulit u dei u khasi un sngewbha ban weng noh ia kane ka FIR, kaba u la ai pyrshah ia ka seng.

“Ngi ki seng bhalang ngi iada, ym tang ialade, hynrei ngi iada wat ia ki khun ki kti jong u ruh kiba hadien ba ioh lehse ki khun jong u kim ioh kam pulit kin sa rung ha ki sengbhalang” la bynrap u bah Dohtdong.