Shah pynliem ka Brazil, ha ka Cameroon, ka Portugal ha ka South Korea

LUSAIL, Qatar: U Vincent Aboubakar, ula ioh thep kol, ha shwa ba kan kut noh ka jing ialehkai, sa tang ar minit bad katei ka la pynlong ia ka Cameroon, ba kan pynliem ia ka Brazil, da 1-0, ha ka jing ialehkai World Cup bad ka dei ruh ha ka sien nyngkong, ba ka Brazil, kan shah pynliem ha kajuh ka kynhun ialehkai, ha ka pali ba dang shu sdang, ha ki 24 snem ba ladep.

U Rephri, ula beh noh ia U Aboubakar, da kaba pyndonkam ia ka kot stem, ha ka sien kaba ar, namar ba u law ia ka sopti jongu, ha ka por, ba u ioh ban thep ia ka kol, sha ka liang jong ka Brazil. Mar ia dep thep kol, U Aboubakar, ula law ia ka sopti jongu bad ula bret ha madan, kum ka dak ka jingkmen bad ap ia ki paralok jongu, ba kin wan kdup ieid ia u, namar ka jingioh thep kol jongu.

Wat la ka Brazil, ka shah rem, hynrei kan dang iai bteng ban iaid sha ka pali kaba shakhmat, namar ba ka don ia ki point kiba biang, ha kaba ka ia ryngkat ia ka Switzerland, mar 4 point.

Ha kawei pat ka jingialehkai, ka South Korea, ka la pynliem ia ka Portugal, da 2-1. La ioh thep ia ki kol, na ka liang ka South Korea, da U Kim Young Kwon, ha ka minit kaba 27 bad nangta sa U Hwang Hee Chan, ha ka minit kaba 91. Na ka liang ka Portugal, la ioh thep kol da U Ricardo Horta, ha ka minit kaba 5.