Lyngngoh ki nongialam NPP, halor ki kam pynroi ha Nartiang

Ka Synjuk ki Nongialam Nartiang Konstitwensi haka kyrwoh sha ki lad pathai khubor ki pynpaw ba u MLA ka Nartiang jong ka NPP u Ma Sniawbhalang Dhar watla u dei uba lah pynpoi ki scheme MLA sha ka konstitwensi hynrei kaba sngew kyndit ba bun ki ddng ki shnong hapoh ka Nartiang Konstitwensi ki dang duna haki kam pynroi lada dei lyngba ki scheme ka Central lane ka Jylla lane ruh na ka MLA scheme.

U nongialam ba rad bah jong ka kynhun u MLA ka Nartiang Konstitwensi u Ma Phrang Dhar uba napoh ka shnong Wahiajer ma u ryngkat ki katto katne ki ledar ki kyndit ba u Ma Sniawbhalang u pynbna ka jing pyllut haduh 562 klur ha kine ki san snem kam shem dei kaba shisha. “Ki dang bun ki shnong kiba hap ha lynti naduh na Nartiang shaduh sha Sehlama wat shaduh Namdong ki bun sa ki thliew ban kaba bha ka surok, bad kaba sngew lyngoh ka long ba u Nongmihkhmat jong ngi u leit iathuh ba ka scheme umbam um dih ka dei lyngba ka MLA scheme jong u kaba ialam bakla ia kiba bun”.

“Ha jingshisha ka JJM umbam umdih scheme ka dei jong ka Sorkar Pdeng ba lah bthah iaka Sorkar Jylla ban pyntreikam bad ym dei ha u MLA lane kan dei ruh ka MLA scheme, bun ki paitbah ki shah ialam bakla ha ki katto katne ki ledar ka NPP hapoh ka Nartiang Konstitwensi”. U Ma Siberius Lamurong uwei na ki nongbat kam ka NPP hapoh Nartiang Konstitwensi ula pynpaw iaka jing sngewsih ba ki nongkyrshan ki thnum halor ka jing ai scheme u MLA bad kiba bun ki ong shaei jah ki scheme MLA naduh 2018. Halor kane ki don ruh kiba kwah ba u Ma Sniawbhalang un ialeh noh naka tiket ka BJP namar kim sngewtynnat iaka NPP hapoh ka jingialam kiba mynta bad ki jing shah kynthoh ha manla ki jaka ba ka NPP bad ki nongkyrshan jong kane ka seng ki dei kiba pynpait iaka Jylla bad kiba pyrshah iaka Jaitbynriew Hynniewtrep.

Khublei shibun eh,
Ma Donbok Syngkrem Secretary NPP Nartiang,
Ma Phrang Dhar Asst Secretary NPP Nartiang.