Shah kawang maw, ka kali u kyrtong UDP

Shillong: Ka kali jong u bah Bathok Nongmalieh, ka la shah kawang maw, hynnin ka miet. U Bah Nong malieh, u dei u kyrtong ban iakhun ia ka elekshon ha u snem ban wan, na ka United Democratic Party (UDP)na ka Jirang konstitwensi.

Kane ka jingjia shah kawang maw ka dei, ka la jia ha ka miet jong ka 26 tarik Naiwieng 2022, kumba ha ka por 9 baje eiei. Kane ka jingjia ka dei ha mar pyrshah jong ka Jerobad Police Outpost. Hynrei la iathuh ba ym shem la don ba mynsaw.

Kane ka kali jong u bah Bathok ka dei kaba don ia u Registration number ML 10 B 1471,Fortuner.
Ha ka jing ioh jingtip la ong ba ka kali kaba la shong u bah Bathok Nongmalieh, ka la pait lut ki ïit baroh ar.
La ong ba katei ka jing shah kawang maw ka dei ba la kawang da ki briew kiba shong hapoh kali bad ym shem la pat tip bad ithuh ia ki briew kiba leh ia kane ka kam, katkum ka jing ioh jingtip.

U Bah Bathok ha katei ka miet u la leit sha kitei ki thaiñ Mawsmai, hynrei, hadien ba u la wanphai na Mawsmai la don ki briew ba shong hapoh ka kali ki ba la ap bad kawang da ki maw ia ka kali jong u.