Kem ding ka nongbah Brussels, naba shah rem ka Belgium ha Qatar

Ka la don ka jing iashoh ia dat, ha ka nongbah Brussel, hynnin ka miet, na ka daw, ba ka Belgium, ka shah rem, ha ka jing ialehkai World Cup pyrshah ia ka Morocco.

Ki pulit, ki la hap ban kynshait da ka um bad siat lyer pynsat khmat, hadien ba ki riew ieid phutbol kiba iashah ia ka Belgium, ki thang kali, ki wiang ding ha katei ka nongbah bad ki lynthaw ia ki dukan bad kiwei kiwei. Ki don da ki spah ngut ki pulit, kiba bunkam ban teh lakam ia ka jing iakynad, na ka jingshah rem ka Belgium da 2-0 ha ka Morocco.

Ka ding kaba lynguh lem bad ka tdem kaba kynting sha suin, ka la jubor bha ha ka nongbah Brussels, na ka jingkhie bitar jong ki riew ieid phutbol, ong shuh shuh ka khubor.