Jaw ummat U Neymar, ba mynsaw, ha ka por ialehkai pyrshah ia ka Serbia

U NEYMAR, u jaw ummat, na ka daw, ba u mynsaw noh, ha ka jing ialehkai jong ka Brazil pyrshah ia ka Serbia, ha kaba ka Brazil, ka jop da 2-0. U Neymar, uba 30 snem ka rta, ula mynsaw, ha ka kylla miet jong ka jing ialehkai, hadien ba ula shah lymbud ha u nongialehkai ka Serbia, U Nikola Milenkovic bad la hap bujli noh ia u, ha shwa ban kut ka jing ialehkai sa tang shiphew minit.

Ki doktor, ki buh por, na ka bynta 24 haduh 48 kynta, ban peit ia ka jingmynsaw, kaba don ha U Neymar, ong ka khubor. U Manager jong katei ka Ri, U Tite, u la kynthoh “Wat khuslai, U Neymar, un bteng ban ialehkai ha kane ka World Cup, phi dei ban sngew thikna ia kata”.

Ym pat tip satia, la U Neymar, un iashim bynta ne em ha ka jing ialehkai pyrshah ia ka Switzerland ha ka Lah Sngi u Blei, ka ban wan.