U Conrad, ula dei ban sangeh shisyndon, ia ki jingbuh maw nongrim

Ka la ima bad ka la i shyrkhei hi khait, halor kane ka jingplie ia ki maw nongrim bapher, da U Conrad marwei marwei bad la imat, kumba ha kine ki sngi, um sngap shuh iano iano, hynrei u iaid hi marwei marwei bad ki skhim kiba u leit sam, ki dei ki skhim T.5 hajar, ki skhim sam khun sniang bad nangta sa ka jingleit buh maw nongrim ia ki surok, ki jingtei bapher bad nangta, sa ka jingplie ia ki Block, ki Civil Sub Division bad ki District ruh kumjuh.

Haba u iaid ia katei ka mat, u dei pat ruh ban kynmaw, ba um long marwei satia, lada jia ba u iaid khamtam bad kata ka long ban plie ia ka jylla Garo, kaba kiba bun ki paid Garo bad wat ki paid Khasi, ki iakren bha ha kine ki sngi.
Ban sam ia ki kam pynroi sha u paidlang ka jylla, ka dei ka bynta jong ka jingtrei jong ka sorkar bad ngi dei ban sngewthuh, ba kim dei ki kam pynbieit briew jong ka sorkar bad ngi hap ban tip shai ia kata, ba U Conrad Sangma, u don tang 2ngut ki MLA ha u snem 2018 bad ki jingkular jongu, ki thiang ngai ha khmat jong u paidlang ka jylla, halor u dewiong, halor u pud u sam (nalor kiwei) bad ha katei ka sien, u paidlang ka jylla, u kynjat ia U Mukul Sangma, uba don shibun ki skhim bad shibun ki kam pynroi, ha katei ka por.

Ngin nym iakren ia katei ka mat, hynrei, ngin iakren ia ka jing bam ram bad dih ram jong kane ka sorkar, ka ban buh jingeh ban pynduk ksew ia u paidlang ka jylla, ha ki snem ki ban sa wan, tang na ka bynta ban pynbiej biang ia ki nongthep vote, ha shwa ka elekshon MLA 2023.
Kane ka dei ka kam, kaba ijli tam, namar ba kane ka sorkar NPP, kam shym la pyndep satia, wat tang shi saphit, na ka jing kular, kaba ka la pynbna iar ha u snem 2018 bad ka dei namarkata, ba kam don kandidet, wat tang ban ialeh elekshon ha kiba bun ki Con stituency bad ka dei ban shu leit thied nokot ia ki kandidet jong kiwei pat ki parti.

U Dr WR Kharlukhi, President jong katei ka seng, u ju ong “jied iangi san snem bad hadien san snem, ngin nym ong shuh jied iangi, hynrei bishar ia ki kam ki jongngi” bad katei ka dei ka slogan, kaba biang tam u paidlang ka jylla, ba un iit ia ki kam jong kane ka sorkar NPP, la ki nang kiew sha jrong ne ki nang hiar sha trai.