Ioh iing ka longiing ha Pahamsyiem, ba pyn shna ka KSU

Nongpoh:Shi bynta ban rakhe ia ka jingdap ba 25 snem jong ka KSU North Khasi Hills District (Ri Bhoi), kata naduh ba la seng bad ka suit ka shor ha ki snem 1997, ha ka sngi Saitjain, ka KSU Ri Bhoi, ka la pynioh da kawei ka iing, ia ka longiing baduk ha shnong Pahamsyiem, Nongpoh, hadien ba la iarap ban pynshna da ka KSU.

Ka nongrim kaba la pynlong ia ka KSU ba kan iarap kyrpang da kaba pynshna iing, ka dei hadien ba ki la lap bad ioh ba katei ka longiing ka donkam shisha ban ioh ia kata ka jingiarap.

Kiba la sakhi da ka jingdon u Samla Lambokstarwell Marngar, President ba rangbah ka KSU, Sengkmie, ha ryngkat ka jingdon u Samla Biangbor L. Paliar, Vice President ka sengkmie, u Samla Ferdynald Kharkamni, President ka KSU ha Ri Bhoi lem bad kiwei.