Shillong:U President jong ka National People’s Party jong ka jylla Meghalaya, u Dr WR Kharlukhi, u la iathuh ba ka parti, kan sa pdiang ia phra ngut ki MLA ba mynta kiba dei na kiwei pat ki parti ha u bnai Kyllalyng kot jong u snem 2023, kum shi bynta ban iakhun ia ka elekshon ban wan na ka National People’s Party.”
Une u dkhot jong ka ïingdorbar thawain jong ka Rajya sabha na jylla Meghalaya,u la ong ruh ba ka National People’s Party (NPP), kan pynduh tiket ruh ia ki lai ngut ki MLA ba mynta ki ba la jop ia ka elekshon ha u snem 2018.
Haba iathuh shuh, u Dr WR Kharlukhi, u la ong ba ka parti NPP, hi kumba long haduh mynta ka pynkhreh bha ban ioh synshar marwei ha u snem 2023, namar ba ka parti NPP, hi kan ia khun ha palat 54 tylli ki kontitwensi ban pyntikna ba ka parti kan ioh synshar marwei ha u 2023. Hadien ka jing ap ba la slem bha naduh u snem 1999 haduh u snem 2018, ha ryngkat ka jing iatreilang bad kiwei ki parti, hadien ka elekshon 2018,ngi la ioh ban synshar bad ha ka elekshon ban wan ha u snem 2023 ngin trei shitom bad pyntikna ba ngin ioh synshar marwei ia ka jylla Meghalaya”.
Haba kylli pat shaphang ka jing kam jong u Dr Mukul Sangma ba ka NPP, kan ym lah ban jop 5/6 tylli ki kontitwensi ha Garo hill u Dr Kharlukhi u la ong “Ngam tip ka jingkheiñ ba kumno ba u Mukul u ioh, u hap ban kheiñ bha ioh ba u lah ruh ban rem ialade, kumno u nongialam jong ka TMC un ai jingkheiñ ki jingkheiñ kiba dei ki kam jong ka NPP”.
U la ong ruh, u briew u ba kwah beit tang ban don ha ka bor, lehse u lah ban phet na ka TMC ruh hadien ba kiwei ki parti ki don ha ka bor, kumba long ha u 2018, ka Seng Congress ka jop haduh 20 tylli ki kontitwensi, hynrei U Mukul u mih noh na ka parti haduh ba ka parti Congress kam don shuh ia ki MLA, ha ka ïingdorbar thawain jong ka jylla.
Haba iadei bad ka jing mih khubor ba kum ban ai burom ia ki arngut ki MLA ba mynta ka NPP kan ym buh kyrtong ha ki artylli ki kontitwensi, u Dr kharlukhi u la ong “Ngin sa ia peit ia kata hadien, hynrei kumba long mynta hi ngim pat shim rai eiei”.
Haba iadei pat bad ki jing kynthoh jong ka BJP,u la ong ba um don eiei ban ong, haba iadei bad ka jing shah kem jong u Bernard Marak, ula ong “Lada ngi tieng ia u Bernard ngin ym iakhun hi ruh ia ka elekshon”.
Ki garo ki jwat bn bud ia regional party ba ialam da u Khasi hynrei ki Khasi ki kloi ban jliah ia ka sla kjat garo bn ioh tickets 一npp .haba kumta mano badei u muid u khasi ne garo