Phah leit rejister U MR, ia ki nongrep ban ioh 5hajar

Adogkre:U myntri rangbah jong ka jylla Meghalaya, u Conrad Kongkal Sangma, ha ka sngi ba ar, u la kyrpad ia ki paid nongrep jong ka jylla ba kin leit rejistar na bynta ka skhim FOCUS plus shwa ka saw tarik jong u bnai Nohprah, khnang ba kin lah ban ioh jingmyntoi lyngba katei ka skhim.

Ka FOCUS plus, ka dei kawei na ki skhim ba kongsan bha ba ki paidbah nongrep jong ka jylla Meghalaya ka ban kyntiew lyngba ki prokram ki jongka, ha kaba ki nongrep kiba la dep ban rejistar kin ioh ia ka pisa ba shongdor haduh 5000 tyngka ka pisa sha man uwei pa uwei u nongrep jong ka jylla ba la mang kyrpang da ka sorkar.
Ka FOCUS plus skhim kaba la ai jingmyntoi ruh ia palat 4.5 lak ngut ki nongrep ha ka jylla, lyngba ka jingthaw jong ki iaka kynhun ki nongrep, kum ki nong pynmih ia ki mar rep ki jong ki sha ki iew ki hat ha ka jylla.

Ha ka jingplie ia ka blok ba thymmai ha Adogkre, U Sangma u la sam ruh ia ki kad jong ka FOCUS plus skhim bad iathuh ruh sha ki nong ioh jingmyntoi kiba la ia lum lang, ba ia ka jing pynpoi pisa yn sa siew ha ki ar bynta, kata ha ka jingsiew ba nyngkong yn phah shi hajar tyngka, katba ki dang rejistar,katba ha ka sien ba ar pat, yn sa siew 4000 tyngka.

U Myntri rangbah u la iathuh ba ka jingsam ia ka bynta ba ar jong ka skhim FOCUS plus, yn sa pynlong kawei na ki prokram ba heh bha na ka bynta ban sam ia ka pisa, ha kaba da ki lak ngut ki nongrep kin ioh ka pisa ka ban ai jingmyntoi ia ki na ka sorkar.