Selsella:Ka Seng Trinamool Congress Meghalaya, ka la pynlong ia ka jingialang ha Selsella ha ka 10 tarik Naiwieng 2022,ha ryngkat ka jingtuid jong ki nongkyrshan ka parti palat 5000 ngut.
Ha khmat ki paibah ba bun balang, u Dr Mukul Sangma u la iathuh ia ki paidbah ba ka FOCUS skhim ba la iaid shakhmat da ka sorkar Meghalaya democratic alliance (MDA) ka dei ka juh hi kum ka Integrated Basin development and livelihood promotion project (IBDLP) bad haduh mynta ka Sor kar MDA kam pat shym la don ki skhim lajong ba ka pynmih, hynrei ki skhim kum ka FOCUS la shu bud tyrneng na ka IBDLP ba la pynmih da u Dr Mukul, ha ka por ba u dang long u myntri rangbah ka jylla Meghalaya.
U Dr Mukul Sangma u la iathuh ruh ba ka Meghalaya integrated transport project kaba btin lynti ia ki mar rep ban poi sha ki iew ki hat na ki thaiñ nongkyndong, ka dei kaba la bei tyngka da ka world bank kumba 120million dollar, kaba ka Sorkar MDA ka la kam ba ka la pynlut ha ki arsnem, tangba ym shym la iohi satia wat haduh mynta ba ka la dap san snem ruh.
U la ong ba ki jingiarap kiba u la ai ha ka por ba u long kum u myntri rangbah jong ka jylla, kum ka women economic empowerment lyngba ka jingiarap pisa, kaba u la ai 5000 tyngka sha ki longkmie ba kin plie ia ki bank account ki jong ki. U la ong “Hadien ba ki la wan ha ka bor ha u snem 2018,ki la pynjah noh ia kane ka skhim, katba ka pisa ka dang sah bad ki paidbah kim lah shuh ban ioh jingmyntoi na kane ka skhim, hynrei ynda ngi la wan biang ha ka bor synshar ha u snem 2023, ngin pyntikna ba ka jingiarap kan poi sha ki paidbah”.
Katba u MLA jong ka Rangsakona, u Zenith M Sangma, u la maham iaki paidbah ba kin jied ia ki Nongialam da ka jing stad bad jingshem phang ,”Ha ka elekshon ban wan ha u 2023, ngi dei ban leh ia kaba dei ha shwa ba ngin thep ia ki vote jongngi khnang ba ka jingsuk kan bteng ha ka ri Jong ngi bad ka lawei jong ki long dien kan long kaba shngain ha ka lawei ka Jong ki”.
Haba iadei bad ka jing ai jing kyrshan jong ka Seng NPP ia ka Citizenship Amendment act, u MDC jong ka TMC, u Agassi Marak u la ong “Ha shwa ka elekshon, ki la ong ba ngin kyntait mardor ia ka CAA, hynrei ynda ki la jop, ka Agatha Sangma ka la kyrshan ia ka CAA hapoh ïingdorbar parliament, kumta ngi dei ban kyntait ia kum kine ki parti”.
Haba kren sha ki paidbah shwa ban kut ka jingialang, u Dr Mukul u la ong “Kane kam dei ka jing iakhun ban pyndonkam da ki tiar, hynrei ka jing iakhun da ki buit(ideologies ) katba ka sorkar MDA ba ialam da ka NPP ka jied ban don ha ka bor da ki bunjait ki skhim ki bym sngew shong dor.
Ko ki paitbah ka thain garo to long kiba stad wat shu ngeit biej ia ka ei ba ki kular bad ba ki pynpaw ha kum ka ne ka por ba la jan ka election to bi shar bha ha ka por jong u mukul ka long kum no khnang ba phin sa sngewthuh kham bha ia kiei2 baroh