Shillong: Ka sorkar Meghalaya, ka la pyllait ia ka scholarship Pre Matric & Post Matric Scholarship, kaba shongdor T.1697291678/- na ka bynta u snem 2021-2022 sha ki 61116 ki samla pule ka jylla.
Ka jingthep ia ka pisa sha ki account jong ki samla pule, kan sdang noh shen, lyngba ka PFMS, ong ka jingthoh na U Ma Lahkmen Rymbui, myntri ka pule puthi ka sorkar jylla.
Haba kren sha ki lad pathai khubor u myntri ka tnat pule u bah Lahkmen, u la iathuh ba ka sorkar jylla ka la pyllait haduh T.1697291678 na ka bynta ka bai bam lane ka Scholarship naka bynta ki 61116 ngut ki khynnah pule jong ka jylla.
U bah Lahkmen u la iathuh ba ka jingslem ban pyllait ia ka song pisa kaba dei ka Scholarship jong ki khynnah pule, ka dei namar ka jinglut jingsep ka long 90% na ka liang ka sorkar jylla bad 10% ka dei na ka liang ka sorkar pdeng.
U la ong ba ha ka jingshisha ka sorkar jylla kam shym la mutdur ba kane ka jingioh pisa kan slem kumba long mynta, hynrei namar ki daw bym lah ban kiar ka la don hi ka jingslem, hynrei wat la katta ruh ka sorkar ka ialeh katba lah ban pynkloi ka jingpyllait ka pisa bai bam sha ki khynnah pule.
U bah Lahkmen u la pynbna ba shen ki khynnah pule kiba dei ban ioh ia ka bai bam lane ka Scholarship kin ioh hadien ka ba la pyndep iaka jingpyllait pisa lyngba ka PFMS.
Lada ioh lut ki samla pule ka bha palat,kham tam ia ki duk ki suk bym lah ban pyndap ia ka Jing pule ki Khun shynrang bad kynthei namar la bun ka jinglut ia ka ioh ka kot hangne ha kylla jong ngi.
Dang don ruh ki khynnah school/college kiba bym pat ioh scholarship…..