U Rangbah Shnong Pynursla, um pat ioh sanad na U Syiem Khyrim, ujor ki 19ngut

Shillong:Ki 19ngut ki samla mynhynnin ka sngi, ki la wan ban iakyn duh kyrpang ia ki nongthohkhubor, haba ia dei ka bad ka jingshah kynnoh jong ki, ba ki la pynthut ia ka jingsam khaw reshon ha katei ka shno ng ha u Rangbah shnong jong katei ka shnong, u bah Mudon sing Khong thaw.

Kitei ki 19ngut, ha ka jingialam jong u samla Dawanbor Diengdoh bad u bah Henry Khongbuh, uba dei ruh u Sordar barim jong ka raid Shabong hima khyrim syiem ship, ki la iathuh ruh ba ha ka 4tarik mynta u bnai ki la shah khot ha ka Sub-divisional Officer jong ka Pynursla Civil Subdivision haba iadei bad ka jingkynnoh ba ki pynthut ban sam ia u khaw rashon ha katei ka shnong, hynrei na ka liang jong ki, ki la kyntait ia kane ka jingkynnoh, da kaba ong ba kumno kin lah ban khang ia u khaw rashon, ba la bynta da ka Sorkar shabu duk u suk bad sha ki nongshong shnong, hynrei ki la kyntu ia ka SDO jong ka Pynursla, ba kan thung da u wei pat u dealer ne nong samkhaw bad na ka liang jong ka SDO, ka la kubur ban shimkhia halor kane ka bynta, khnang ba ki paidbah ba duk ba suk kin ioh lem ia u khaw ba la mang da ka Sorkar.

Kine ki samla ki la lyngngoh ruh ban tip ba u Rangbah shnong jong ka Pynursla Pyllun, u Bah Mudonsing khongthaw u dei u briew u bym pat ioh satia ia ka sanad ne ka jingithuh la ka dei na u sordar jong ka Raid Shabong ne na ka hima Khyrim syiemship ruh kumjuh, namar, katkum ka RTI ba la pan da ka kong Badariti Sohkhlet, kaba dei kawei na ki longkmie ba iakhun mukotduma ruh bad u bah Mudonsing Khongthaw.

Katkum ka shithi RTI ba la ioh na ka ophis jong u syiem ka hima khyrim, ka iathuh ba ka hima khyrim kam pat juh ai jingithuh ia u Mudonsing Khongthaw, kum u Rangbah shnong ka pynursla. Kaba ar ka jubab, ka long ba ym pat juh ai sanad ia u Mudonsing Khongthaw bad ka balai ka long ym don kino kino ruh ki kot ba iadei bad u Mudonsing khongthaw haba iadei bad ka jingai sanad.

Kine ki 19ngut, ki la kyntait ruh ban pdiang ia u bah Mudonsing Khongthaw, kum u Rangbah shnong nangne sha khmat, namar u dei u briew u ba khlem ka sanad ne ka jing ithuh na ka hima khyrim.