New Delhi: Ka Department of School Education and Literacy, Tnat Pule puthi jong ka sorkar pdeng mynta ka sngi ka la pyllait ia ka Performance Grading Index (PGI) na ka bynta ki Jylla/UT jong u snem 2020-21, ka index kaba kyrpang na ka bynta ka jingpeit bniah ia ka jinglong ka pule puthi jong ki skul ha kylleng ki Jylla/UT.
Ka pule puthi ha India ka long kawei na kiba heh tam ha ka pyrthei ha kaba ka don 14.9 lak ki skul, 95 lak ki nonghikai, bad jan 26.5 klur ki khynnah pule na ki jinglong jingman bapher bapher ha ka imlang sahlang bad ka ioh ka kot. Ka DoSE&L ka la saindur ia ka PGI na ka bynta ki Jylla/UT ban sngewthuh ia ki kam kiba don nongrim ha ka data halor ka jinglah lehbha bad ki jingjop ha ka pule puthi jong ki skul ha baroh ki jylla/UT. Ka jing thmu ba kongsan jong ka PGI kalong ban kyntiew ia ka jingthaw polisi katkum ka jingshisha bad phaikhmat sha ka jingpynbeit ban pynthikna ka pule puthi kaba bha ia baroh. Haduh mynta, ka DoSE&L ka la pyllait ia ka kaiphod PGI na ka bynta u snem 2017-18, 2018-19 bad 2019-20. Ka kaiphod ba mynta kadei na ka bynta u snem 2020-21.
Ka thup PGI ka kynthup 1000 tylli ki mat ha 70 tylli ki dak ba la kynthup ha 2 tylli ki kyrdan kum ki jingjop, Governance Management (GM). Ia kine ki thup la phiah ha ki 5 bynta, kum ki Learning Outcome (LO), Access (A), Infrastructure& Facilities (IF), Equity (E) & Governance Process (GP).
Kumba la leh ha ki snem ba la leit, ka PGI 2020-21 ka buh kyrdan ia ki Jylla/UT ha ki shiphew kyrdan kum ka highest achievable Grade kaba long ka Level 1, kaba dei na ka bynta ka Jylla/UT kiba ioh palat 950 point na ka 1000 points. Ka kyrdan ba sha trai duh kadei ka Level 10 kaba dei ia kiba ioh hapoh ka 551. Ka jingthmu jong ka PGI kalong ban kyntiew ia ki Jylla & UT sha ka jingsdang ia ki prokram bapher bapher ki ban wanrah ka pule puthi kaba donkam kaba kynthup baroh ki bynta. La antad ba ka PGI kan iarap ia ki jylla bad ki UT ban phaikhmat sha ki jingduna bad ban peit shuwa ia ki kam kiba kongsan ban pynthikna ba ka jinglong ka pule puthi ha ki skul kalong kaba khlain ha man ka kyrdan.
Baroh ki don 7 tylli ki Jylla bad ki UT, kum ka Kerala, Punjab, Chandigarh, Maharashtra, Gujarat, Rajasthan, bad Andhra Pradesh kiba la kot sha ka Level II (ba ioh 901-950 ki point) ha u 2020-21 haba ianujor bad ka jingbym don kino kino ki jylla ba ioh ha u 2017-18 bad 4 tylli ha u 2019-20. Ka Gujarat, Rajasthan bad Andhra Pradesh kidei kiba dang shu rung thymmai ha kane ka kyrdan kaba heh tam jong kano kano ka jylla haduh mynta.
Ka UT kaba dang shu thaw thymmai ka Ladakh ka la kiew bha ha ka PGI na ka Level 8 sha ka Level 4 ha u 2020-21 lane ka la kiew ha ka jingioh point jong ka da 299 point ha u 2020-21 haba ianujor bad u 2019-20 bad kane ka la long ka jingkiew kaba heh duh ha ka shi snem.
Ki jingioh point bad kyrdan PGI da ki jylla/UT ha u 2020-21 kadei ka dak jong ka jingiahap jong ka rukom treikam PGI. Ka jingioh point PGI katkum ka dak ka pyni ia ki bynta ha kaba ka jylla ka donkam ban leh bha. Ka PGI ka pyni ia ka jinglah leh bha jong baroh ki Jylla/UT kaba ai mynsiem ia ki ban leh bha bad ban bud ia ki rukom kiba bha ba kiwei ki jylla ki bud.
Ia ka kaiphod PGI na ka bynta u snem 2020-21 lah ban ioh ha https://pgi.udiseplus.gov.in/#/home
Meghalaya te ym paw kyrteng